თბილისი, 20 თებერვალი — Sputnik. კახეთში მომხდარი ავტოსაგზაო შემთხვევის შედეგად ერთი ადამიანი დაიღუპა, ერთი კი დაშავდა, იუწყება ტელეკომპანია Imedi.
როგორც „Sputnik–საქართველოს" შინაგან საქმეთა სამინისტროში განუცხადეს, მსუბუქი ავტომობილი ფშაველი–აბანო–ომალოს დამაკავშირებელი გზის სავალი ნაწილიდან ხევში გადავარდა.
შემთხვევის შედეგად ადგილზე დაიღუპა ახალგაზრდა კაცი, ერთი მგზავრი კი მრავლობითი მოტეხილობებით თელავის რეფერალურ საავადმყოფოში გადაიყვანეს. მის სიცოცხლეს საფრთხე არ ექმურება.
გამოძიება დაწყებულია 276-ე მუხლის მეხუთე ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია, და ითვალისწინებს ოთხიდან შვიდ წლამდე ვადით თავისუფლების აღკვეთას.