თბილისი, 15 თებერვალი — Sputnik. თურქმა მესაზღვრეებმა საზღვრის უკანონო გადაკვეთის მცდელობის ფაქტზე საქართველოს სამი მოქალაქე სარფის საბაჟოზე დააკავეს, იუწყება ტელეკომპანია Rustavi 2.
მესაზღვრეებმა ერთი მამაკაცი და ორი ქალი თურქეთიდან საქართველოში მიმავალ ავტობუსში მოწყობილ სამალავში აღმოაჩინეს. ისინი სამშობლოში დაბრუნებას ცდილობდნენ.
სამართალდამცველების ინფორმაციით, საქართველოს მოქალაქეებს თურქეთში შესვლა აკრძალული ჰქონდათ.
თურქულმა მხარემ ბრალდებულების საქართველოში დეპორტაცია განახორციელა.
