თბილისი, 15 იანვარი — Sputnik. თბილისში, ზაჰესის დასახლებაში ცოლ-ქმარი მოკლეს, იუწყება ტელეკომპანია imedi.
არსებული ინფორმაციით, გარდაცვლილებს ჭრილობები ცეცხლსასროლი იარაღით აქვთ მიყენებული.
7 იანვარი 2018, 22:07
მკვლელობის მოტივზე ოჯახის ახლობლები ჯერ ვერ საუბრობენ. გარდაცვლილი ცოლ-ქმარი მაღაზიას ფლობდა, სადაც მოხდა კიდეც მკვლელობა. წინასწარი ინფორმაციით, ისინი დააყაჩაღეს, თუმცა უცნობია, წაღებულია თუ არა თანხა მაღაზიიდან.
ცხედრები ქალაქის პროზექტურაში გადაასვენეს.
როგორც „Sputnik–საქართველოს" შინაგან საქმეთა სამინისტროს პრეს-სამსახურში განუცხადეს, მომხდართან დაკავშირებით გამოძიება საქართველოს სისხლის სამართლის კოდექსის 236-ე (ცეცხლსასროლი იარაღის უკანონოდ შეძენა, შენახვა, ტარება) და 109-ე (განზრახ მკვლელობა დამამძიმებელ გარემოებაში) მუხლებით აღიძრა.
