თბილისი, 12 დეკემბერი — Sputnik. შინაგან საქმეთა სამინისტროს თანამშრომლებმა 1990 წელს დაბადებული ირანის რესპუბლიკის მოქალაქე ნარკოდანაშაულის ბრალდებით თბილისში დააკავეს, ნათქვამია უწყების მიერ გავრცელებულ განცხადებაში.
სამართალდამცველებმა დაკავებულის პირადი ჩხრეკისას 47 აბი „ბუპრენორფინის" შემცველი ნარკოტიკული საშუალება ნივთმტკიცებად ამოიღეს.
გამოძიება მიმდინარეობს სსკ-ის 260-ე მუხლის მე-3 ნაწილით, რაც გულისხმობს დიდი რაოდენობით ნარკოტიკული საშუალების უკანონო შეძენა-შენახვას ან გასაღებას და ითვალისწინებს 5-დან 8-წლამდე ვადით თავისუფლების აღკვეთას.
