თბილისი, 7 დეკემბერი — Sputnik. შინაგან საქმეთა სამინისტროსა და მცხეთა-მთიანეთის მთავარი სამმართველოს თანამშრომლებმა მცხეთაში ქურდობის ბრალდებით ორი მოქალაქე ცხელ კვალზე დააკავეს, ნათქვამია უწყების მიერ გავრცელებულ განცხადებაში.
გამოძიებამ დაადგინა, რომ ბრალდებულები, რომლებმაც მცხეთის სოფელ ახალუბანში ერთ-ერთი მოქალაქის საცხოვრებელი სახლიდან ტელევიზორი და ელექტროხერხი მოიპარეს, შემთხვევის ადგილიდან მიიმალნენ.
პრეს-სამსახურის ინფორმაციით, სამართალდამცველებმა დამნაშავეები მომხდარიდან 3 საათში, მცხეთაში დააკავეს და ნაქურდალი ნივთები ნივთმტკიცებად ამოიღეს.
წარსულში ნასამართლევი, 1976 და 1994 წლებში დაბადებული ბრალდებულები ჩადენილ დანაშაულს აღიარებენ.
გამოძიება მიმდინარეობს საქართველოს სსკ-ის 117 მუხლის მიხედვით, რაც გულისხმობს ორგანიზებული ჯგუფის მიერ, წინასწარი შეთანხმებით, ბინაში უკანონო შეღწევით ჩადენილ ქურდობის ფაქტს, რამაც მნიშვნელოვანი ზიანი გამოიწვია. დანაშაული ექვსიდან ათამდე წლამდე თავისუფლების აღკვეთით ისჯება.
შოთა ნოზაძე
