თბილისი, 6 დეკემბერი — Sputnik. შინაგან საქმეთა სამინისტროსა და სახელმწიფო უსაფრთხოების სამსახურის თანამშრომლებმა ნარკოდანაშულის ბრალდებით ბათუმში თურქეთის ერთი მოქალაქე დააკავეს, ნათქვამია შსს-ს პრეს-სამსახურის მიერ გავრცელებულ განცხადებაში.
სამართალდამცველებმა 1969 წელს დაბადებული პირი იმ დროს დააკავეს, როცა მან ნარკოტიკული საშუალება ამფეტამინის 996 აბი თურქეთის მოქალაქეს 10 000 აშშ დოლარად მიჰყიდა, რომლის საერთო წონა, ექსპერტიზის დასკვნით, 50,2697 გრამია.
პოლიციამ ფული და ნარკოტიკული საშუალება ნივთმტკიცებად ამოიღო.
მომხდარ ფაქტზე გამოძიება სსსკ-ის 260-ე მუხლით მიმდინარეობს, რაც განსაკუთრებით დიდი ოდენობით ნარკოტიკული საშუალების უკანონო შეძენა-შენახვასა და გასაღებას გულისხმობს, რაც მაქსიმალურ სასჯელად უვადო თავისუფლების აღკვეთას ითვალისწინებს.
შოთა ნოზაძე