თბილისი, 1 დეკემბერი —Sputnik. ვერაზე ცივი იარაღით დაჭრილი სკოლის მოსწავლეებიდან ერთ-ერთი მიყენებული ჭრილობის შედეგად საავადმყოფოში მიყვანამდე დაიღუპა, იუწყება შინაგან საქმეთა სამინისტროს პრეს-სამსახური.
წინასწარი ინფორმაციით, ხორავას ქუჩაზე არასრულწლოვნებს შორის მომხდარი ჩხუბის შედეგად ორი არასრულწლოვანი ცივი იარაღით მუცლისა და ფეხის არეში დაჭრეს, რომელთაგან ერთ-ერთი დაიღუპა, მეორე მოსწავლის ჯანმრთელობის მდგომარეობა კი მძიმეა.
შემთხვევის ადგილზე მიმდინარეობს საგამოძიებო მოქმედებები.
გავრცელებული ინფორმაციით, დაპირისპირებაში 15-მდე მოსწავლე მონაწილეობდა.
მომხდარ ფაქტთან დაკავშირებით გამოძიება თბილისის პოლიციის დეპარტამენტმა საქართველოს სსკ-ის 108-ე მუხლით დაიწყო, რაც განზრახ მკვლელობას გულისხმობს.
შოთა ნოზაძე
