თბილისი, 23 აგვისტო — Sputnik. ცენტრალურ მაგისტრალზე ორი სამგზავრო მიკროავტობუსის შეჯახების შედეგად 28 ადამიანი დაშავდა, იუწყება ტელეკომპანია Imedi.
ტელეკომპანიის ინფორმაციით. დაშავებულები ქობულეთის კლინიკაში გადაიყვანეს. მათგან ოთხის მდგომარეობა მძიმეა.
ფაქტზე აღძრულია სისხლის სამართლის საქმე სსკ-ის მუხლით "მოძრაობის უსაფრთხოების ან სატრანსპორტო საშუალების ექსპლოატაციის დარღვევა, რომელსაც ჯანმრთელობის ნაკლებ მძიმე დაზიანება მოჰყვა".
ავტოავარიაში დამნაშავეს ემუქრება ჯარიმა ან სამ წლამდე თავისუფლების შეზღუდვა ან ოთხ წლამდე თავისუფლების აღკვეთა.