თბილისი, 11 აგვისტო — Sputnik. საქართველოს სასაზღვრო პოლიციამ "კარწახის" საკონტროლო-გამშვებ პუნქტთან (საქართველო-თურქეთის საზღვარი) ახლოს თურქეთის ორი მოქალაქე დააკავა ქვეყანაში უკანონო შემოსვლის ბრალდებით, აღნიშნულია საქართველოს შსს-ს ვებ-გვერდზე განთავსებულ განცხადებაში.
სისხლის სამართლის საქმე საქართველოს სახელმწიფო საზღვრის უკანონოდ, ჯგუფურად გადაკვეთის ფაქტზე მიმდინარეობს, რაც ოთხიდან ხუთ წლამდე პატიმრობით ისჯება.
2017 წლის იანვარ-ივნისის პერიოდში საქართველოს საზღვრის უკანონო გადმოკვეთას ცდილობდნენ 297-ჯერ, აქედან 215 შემთხვევაში ეს საქართველოს მოქალაქეები იყვნენ; მეორე ადგილზე არიან რუსეთის (40), ხოლო მესამეზე — თურქეთის (10) მოქალაქეები.