თბილისი, 27 მარტი — Sputnik. შსს-ს ცენტრალური კრიმინალური პოლიციის დეპარტამენტის თანამშრომლებმა ცეცხლსასროლი იარაღის მართლსაწინააღმდეგო შეძენა-შენახვის ბრალდებით, 1982 წელს დაბადებული, წარსულში ნასამართლევი ვ.ს. დააკავეს, იუწყება შსს-ს სამინისტროს პრეს-სამსახური.
სამართალდამცველებმა, დაკავებულის საცხოვრებელი ბინის ჩხრეკისას, "BLOW MINI MOD 2003"-ის მოდელის არარეგისტრირებული პისტოლეტი ამოიღეს.
დაკავებული ჩადენილ დანაშაულს აღიარებს.
გამოძიება ცეცხლსასროლი იარაღის მართლსაწინააღმდეგო შეძენა-შენახვის ფაქტზე მიმდინარეობს (საქართველოს სსკ-ს 236-ე მუხლის მე-2 ნაწილით).