თბილისი, 17 მარტი — Sputnik. ბათუმში, ფრიდონ ხალვაშის გამზირზე ავტომობილმა 50 წლის მამაკაცი გაიტანა, რომელიც გარდაიცვალა, იუწყება საინფორმაციო სააგენტო Новости-Грузия საქართველოს შინაგან საქმეთა სამინისტროს ინფორმაციაზე დაყრდნობით.
შემთხვევა გასულ ღამეს მოხდა. მამაკაცი საავადმყოფოში მიყვანამდე გარდაიცვალა.
პოლიციის მონაცემებით, შემთხვევაში დამნაშავე მძღოლი დაკავებული არ არის, რადგან აუცილებელია შესაბამისი ექსპერტიზის ჩატარება, თუმცა მან გამოძიებასთან თანამშრომლობის მზადყოფნა გამოთქვა.
სისხლის სამართლის საქმე აღძრულია სსკ-ის მუხლით "ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც გამოიწვია ადამიანის სიცოცხლის მოსპობა", რაც ოთხიდან შვიდ წლამდე პატიმრობას ითვალისწინებს.