თბილისი, 17 თებერვალი — Sputnik. შინაგან საქმეთა სამინისტროს თანამშრომლებმა ჩატარებული ოპერატიულ-სამძებრო ღონისძიებების შედეგად 1993 წელს დაბადებული გ.ბ. განზრახ მკვლელობის ბრალდებით დააკავეს, იუწყება სამინისტროს პრეს-სამსახური.
გამოძიებით დადგინდა, რომ ბრალდებულმა გორში 1963 წელს დაბადებულ გ.მ.-ს პირადი კონფლიქტის ნიადაგზე მომხდარი ურთიერთშელაპარაკებისას ცივი იარაღით ჭრილობები მიაყენა და მიიმალა. დაჭრილი მამაკაცი შემთხვევის ადგილზე გარდაიცვალა.
დაკავებული ჩადენილ დანაშაულს აღიარებს.
გამოძიება განზრახ მკვლელობის ფაქტზე მიმდინარეობს (საქართველოს სსკ-ს 108-ე მუხლით).
