თბილისი, 15 თებერვალი – Sputnik. თბილისში, ნუცუბიძის ქუჩაზე ერთ-ერთ საცხოვრებელ კორპუსში გვიან ღამით დედა-შვილის ცხედრები იპოვეს, იუწყება ტელეკომპანია „რუსთავი 2“.
დედა–შვილი, სავარაუდოდ, რამდენიმე დღის გარდაცვლილები არიან.
„ნათესავთან არ გავიდა კონტაქტზე და მან მოაკითხა. დედა შეუძლოდ იყო, ფაქტიურად ვერ დადიოდა. შვილიც ავადმყოფი იყო“, – განაცხადა ერთ–ერთმა მეზობელმა.
წინასწარი ინფორმაციით, გარდაცვლილებს სხეულზე დაზიანების კვალი არ აღენიშნებათ.
შემთხვევის ადგილზე გვიანობამდე მუშაობდნენ ექსპერტ-კრიმინალისტები.
საქმეზე გამოძიება „თვითმკვლელობამდე მიყვანის“ მუხლით მიმდინარეობს.
