თბილისი, 21 იანვარი — Sputnik. შინაგან საქმეთა სამინისტროს თანამშრომლებმა 1968 წელს დაბადებული გ.ჩ. ნარკოდანაშაულისთვის თბილისში დააკავეს, ის საბერძნეთის მოქალაქეა, ამის შესახებ ინფორმაციას შინაგან საქმეთა სამინისტროს პრესსამსახური ავრცელებს. უწყების ცნობით, ოპერატიულ-სამძებრო ღონისძიებები ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა ჩაატარეს.
„სამართალდამცველებმა, დაკავებულის პირადი ჩხრეკისას, 58,4 მილიგრამი მეტადონის მარილის შემცველი სითხე და 8,77 გრამი კოკაინის მარილი ამოიღეს", ნათქვამია შსს-ს მიერ გავრცელებულ ინფორმაციაში.
გამოძიება დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს.
