თბილისი, 20 იანვარი — Sputnik. ვარკეთილში, წმინდა ბარბარეს დასახლებაში ორსართულიანი სახლი დაიწვა, იუწყება ტელეკომპანია „რუსთავი 2“.
გავრცელებული ინფორმაციით, ცეცხლი, სავარაუდოდ, გამათბობლიდან გაჩნდა. ხანძრის შედეგად არავინ დაშავებულა.
შემთხვევის ადგილზე მობილიზებული იყო 10 სახანძრო, სამაშველო და სასწრაფო დახმარების ბრიგადები. მეხანძრეებმა ცეცხლის ლოკალიზება მალევე შეძლეს.