თბილისი, 13 იანვარი — Sputnik. თბილისში, ქიქოძის ქუჩაზე საცხოვრებელი სახლი დაიწვა, იუწყება ტელეკომპანია „რუსთავი 2“.
ქიქოძის 6 ნომერში ცეცხლი გვიან ღამით შენობის მეოთხე სართულზე, სხვენში გაჩნდა და მესამე სართულზეც გავრცელდა, რის შედეგადაც ნაწილობრივ დაიწვა იქ მდებარე რამდენიმე ბინა. სულ დაიწვა დაახლოებით 250 კვ.მ ფართობი.
წინასწარი ვარაუდით, ხანძრის მიზეზი გაუმართავი ელექტროგაყვანილობა იყო.
შემთხვევის შედეგად არავინ დაშავებულა. ხანძრის ლიკვიდაცია დილის 5 საათზე მოხერხდა, ადგილზე 13 სახანძრო ეკიპაჟი მუშაობდა.