სამებაში აფეთქების საშიშროება არსებობს

© photo: Sputnik / Denis Aslanovხანძარი სამებაში
ხანძარი სამებაში - Sputnik საქართველო
გამოწერა
ცეცხლი ახალგაზრდული საგანმანათლებლო ცენტრის სათავსოში გაჩნდა. ცენტრის ერთ–ერთი წევრის თქმით, შენობაში გაზის სხვადასხვა ზომის ბალონებია, ოღონდ უცნობია, ცარიელია ისინი თუ სავსე.

თბილისი, 20 მარტი — Sputnik. წმიდა სამების საკათედრო ტაძარში მეხანძრეები კვლავ ცდილობენ ცეცხლის ჩაქრობას, არ გამოირიცხება აფეთქების საფრთხე, იუწყება Sputnik–ის კორესპონდენტი ადგილიდან.

ცეცხლი ახალგაზრდული საგანმანათლებლო ცენტრის სათავსოში გაჩნდა, რომელიც კომპლექსის პირველ სართულზეა განთავსებული.

© Sputnik/ Denis Aslanov ხანძარი სამების ტაძარში
ხანძარი სამების ტაძარში - Sputnik საქართველო
ხანძარი სამების ტაძარში

ცენტრის ერთ–ერთი წევრის თქმით, შენობაში გაზის სხვადასხვა ზომის ბალონებია, ოღონდ უცნობია, ცარიელია ისინი თუ სავსე.

ოფიციალური კომენტარები ჯერ არ გაკეთებულა. ამ დროისთვის ცეცხლი ჯერ კიდევ არ არის ლოკალიზებული. შენობიდან კვამლის დიდი ბოლქვები ამოდის. ტაძრიდან ევაკუირებულია მრევლიც და სამღვდელოებაც.

© Sputnik/ Denis Aslanovხანძარი სამების ტაძარში
ხანძარი სამების ტაძარში - Sputnik საქართველო
ხანძარი სამების ტაძარში

აალების მომენტში ტაძარში ბევრი ხალხი იყო — ერთი საათით ადრე იქ საქართველოს კათოლიკოს–პატრიარქმა ილია მეორემ წირვა ჩაატარა.

ცნობილია, რომ უმნიშვნელოდ დაშავდა ერთ–ერთი მღვდელმსახურის დამხმარე. ჰოსპიტალიზაცია საჭირო არ გამხდარა.

ხანძრის გამომწვევი მიზეზი ჯერჯერობით უცნობია.

სახანძროების გარდა ადგილზე ასევე მობილიზებულია მაშველთა ბრიგადა და სასწრაფო სამედიცინო დახმარების მანქანები. სამების ტერიტორიასთან მისასვლელი გზა გადაკეტილია.

ყველა ახალი ამბავი
0