უკრაინის პრეზიდენტი საქართველოს ეწვია

© photo : press-service of the President of Georgiaსალომე ზურაბიშვილი და ვლადიმირ ზელენსკი
სალომე ზურაბიშვილი და ვლადიმირ ზელენსკი - Sputnik საქართველო, 1920, 19.07.2021
გამოწერა
ვლადიმირ ზელენსკი მოლდოვის პრეზიდენტთან ერთად მონაწილეობას მიიღებს საერთაშორისო კონფერენციაში, რომელიც დღეს ბათუმში გაიმართება.
თბილისი, 19 ივლისი – Sputnik. უკრაინის პრეზიდენტი ვლადიმირ ზელენსკი საქართველოში ჩამოვიდა, იუწყება საგარეო საქმეთა სამინისტრო.
დავით ზალკალიანი - Sputnik საქართველო, 1920, 19.07.2021
ზალკალიანი: განვიხილავთ, რა ნაბიჯები უნდა გადაიდგას ევროპული ინტეგრაციის დასაჩქარებლად
უკრაინის პრეზიდენტის თვითმფრინავი ბათუმის საერთაშორისო აეროპორტში უკვე დაფრინდა. ზელენსკი აქ მონაწილებას მიიღებს მე-17 საერთაშორისო კონფერენციაში – „ევროკავშირის მიზიდულობის ძალა და რეგიონის ტრანსფორმაცია“.
კონფერენცია ორშაბათს, დღის მეორე ნახევარში გაიმართება. შეხვედრას საქართველოს ვიცე-პრემიერი, საგარეო საქმეთა მინისტრი დავით ზალკალიანი გახსნის.
ღონისძიებაში ასევე მიიღებენ მონაწილეობას მოლდოვის პრეზიდენტი მაია სანდუ და ევროპული საბჭოს პრეზიდენტი შარლ მიშელი, რომელიც უკვე შეხვდა საქართველოს პრეზიდენტსა და ოპოზიციას.
კონფერენციის მთავარი თემა იქნება ევროკავშირის სამ ასოცირებულ პარტნიორს – საქართველოს, მოლდოვასა და უკრაინას შორის თანამშრომლობის დონის ამაღლება. ეს სამი ქვეყანა ცოტა ხნის წინ ოფიციალურად გაფორმდა, როგორც ასოცირებული ტრიო.
მხარეები განიხილავენ ევროკავშირის შესაძლო ინტერესებს სამ აღმოსავლეთევროპელ პარტნიორთან გაფართოებული ინტეგრაციის პროცესში შემდგომ მონაწილეობაში.
ბათუმი - Sputnik საქართველო, 1920, 19.07.2021
„ევროპული გზა": ბათუმში საერთაშორისო კონფერენცია გაიხსნება
გლობალურ პანდემიასთან დაკავშირებით ბათუმის საერთაშორისო კონფერენცია 2020 წელს არ ჩატარებულა. წელს ის ჰიბრიდულ ფორმატში ტარდება – სპიკერების ნაწილი შეხვედრაში ონლაინ–ფორმატში ჩაერთვება.
ზელენსკი ასევე გამართავს ორმხრივ შეხვედრებს საქართველოს პრეზიდენტთან და პრემიერთან. მხარეები ორივე ქვეყნისთვის მნიშვნელოვან საკითხებზე იმსჯელებენ.
ყველა ახალი ამბავი
0