თბილისი, 6 აპრილი – Sputnik. თანამედროვე ქართული ლიტერატურის კლასიკოსს გურამ დოჩანაშვილს დღეს საბურთალოს სასაფლაოზე, თავისი ვაჟის გვერდით დაკრძალავენ.
მწერალმა შვილის ირაკლის გვერდით დასაფლავება დატოვა ანდერძად. მისი ვაჟი 1990 წელს 22 წლის ასაკში უბედური შემთხვევის შედეგად დაიღუპა.
ქალაქის ხელისუფლებამ დოჩანაშვილის ოჯახს მწერლის მთაწმინდის პანთეონში დაკრძალვა შესთავაზა, თუმცა ოჯახმა მისი უკანასკნელი ნების აღსრულება გადაწყვიტა.
მწერლის სამოქალაქო პანაშვილი სამების ტაძარში გაიმართება.
გურამ დოჩანაშვილი 3 აპრილს გარდაიცვალა 82 წლის ასაკში.
გურამ დოჩანაშვილი თანამედროვე ქართული პროზის ერთ-ერთი ყველაზე მნიშვნელოვანი წარმომადგენელია. დაიბადა 1939 წლის 26 მარტს. მკითხველისთვის ცნობილია მისი ნაწარმოებები – „სამოსელი პირველი", „კაცი, რომელსაც ლიტერატურა ძლიერ უყვარდა", „ვატერ(პო)ლოო ანუ აღდგენითი სამუშაოები", „ხორუმი ქართული ცეკვაა" და სხვ.
გურამ დოჩანაშვილის შემოქმედება თარგმნილია მრავალ ენაზე, მისი ნაწარმოებები საფუძვლად დაედო ცნობილ კინოფილმებსა და ტელესპექტაკლებს.
