თბილისი, 2 მარტი — Sputnik. მცხეთა-სტეფანწმინდა-ლარსის ცენტრალური გზის გუდაური-კობის მონაკვეთზე გზის გაწმენდის სამუშაოები დაიწყო, ნათქვამია საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის განცხადებაში.
რუსეთის საზღვრის მიმართულებით ავტოტრანსპორტის მოძრაობა 29 თებერვალს საღამოს ზვავსაშიშროების გამო აიკრძალა.
გუდაური-კობის მონაკვეთზე ამჟამად დაწყებულია გაწმენდის სამუშაოები. არსებული რეჟიმი შენარჩუნებულია და ავტოტრანსპორტის მოძრაობა აკრძალულია, აღნიშნულია უწყების განცხადებაში.
გზის დანარჩენ მონაკვეთებზე ტრანსპორტის მოძრაობა თავისუფალია.
