თბილისი, 12 სექტემბერი – Sputnik. საქართველოს პრეზიდენტ სალომე ზურაბიშვილის ქალიშვილი ქეთევან გორჯესტანი ვაშინგტონში France24 ის ოფიციალურ კორესპონდენტად დაინიშნა, ამის შესახებ საქართველოს პრეზიდენტმა Facebook-ის პირად გვერდზე დაწერა.
„ქეთევანის პირველი პირდაპირი ეთერი ვაშინგტონიდან სადაც დაინიშნა France24-ის ოფიციალურ კორესპონდენტად. ჟურნალისტები მიყვარს“, - აღნიშნა პრეზიდენტმა.
ქეთევან გორჯესტანმა France24-ის ეთერში სპორტში მომხდარ სიახლეებზე ისაუბრა.
სალომე ზურაბიშვილს ორი შვილი ჰყავს – თეიმურაზი და ქეთევანი, რომლებიც პარიზში გაიზარდნენ, იქ, სადაც თავად ზურაბიშვილი დაიბადა და გაიზარდა.
თეიმურაზი დედის კვალს გაჰყვა და ცხოვრება დიპლომატიას მიუძღვნა. ამჟამად ის ნიუ-იორკში ცხოვრობს და გაეროს მისიაში მუშაობს. ქეთევანი ცხოვრობდა პარიზში, სადაც ერთ-ერთ ადგილობრივ ტელეარხზე წამყვანად მუშაობდა.
