01:48 15 ოქტომბერი 2019
პირდაპირი ეთერი
  • EUR3.2778
  • 100 RUB4.6307
  • USD2.9701
ავღანეთში სამხედროებმა სკოლის მოსწავლეებისგან წერილები მიიღეს

პროექტი „წერილები ჯარისკაცებს“: რა მისწერეს ავღანეთში ქართველ სამხედროებს უმცროსკლასელებმა

© FB / Ministry of Defence of Georgia
საქართველოში
მოკლე ბმულის მიღება
76 0 0

ქართველმა მშვიდობისმყოფელებმა თბილი წერილებისთვის საპასუხო ბარათები მოამზადეს, რომლებიც საქართველოში გამოგზავნის შემდეგ ადრესატებს გადაეცემათ.

თბილისი, 16 ივნისი — Sputnik. პროექტის „წერილები ჯარისკაცებს“ ფარგლებში, საქართველოს მასშტაბით სკოლებში შეგროვილი მოსწავლეების მიერ დაწერილი წერილები ავღანეთში, ბაგრამის საავიაციო ბაზაზე ჩავიდა, იუწყება საქართველოს თავდაცვის სამინისტრო.

საქართველოს მასშტაბით სხვადასხვა სკოლებში ბავშვების მიერ შედგენილი წერილები იუსტიციის სამინისტროს სსიპ „დანაშაულის პრევენციის ცენტრმა“ შეაგროვა, ხოლო ავღანეთში მათი გაგზავნა თავდაცვის სამინისტრომ უზრუნველყო.

ბაგრამის საავიაციო ბაზაზე IV მექანიზებული ბრიგადის 43-ე ბატალიონია დისლოცირებული.

„წერილებში მოსწავლეების შეკითხვები ძირითადად „მტკიცე მხარდაჭერის“ მისიაში ქართველი სამხედროების საქმიანობას შეეხებოდა. პატარებმა ჯარისკაცებს სამშობლოში ჯანმრთელად და მშვიდობით დაბრუნებაც უსურვეს“, - ნათქვამია უწყების მიერ გავრცელებულ განცხადებაში.

ქართველმა მშვიდობისმყოფელებმა თბილი წერილებისთვის საპასუხო ბარათები მოამზადეს, რომლებიც საქართველოში გამოგზავნის შემდეგ ადრესატებს გადაეცემათ.

სკოლის მოსწავლეებისგან წერილები მაზარ-ი-შარიფში ბაზა „მარმალზე" დისლოცირებულმა ქართველმა სამხედრო მოსამსახურეებმაც მიიღეს.

„წერილები ჯარისკაცებს" რამდენიმე სამინისტროს, კერძოდ, საქართველოს თავდაცვის, იუსტიციის, განათლებისა და მეცნიერების სამინისტროების ერთობლივი პროექტია, რომელსაც დანაშაულის პრევენციის ცენტრი სტუდენტებთან ერთად 2012 წლიდან ახორციელებს.

პროექტის „წერილები ჯარისკაცებს“  მიზანი სამშობლოდან შორს მყოფი მებრძოლებისთვის თანადგომისა და მხარდაჭერის გამოხატვაა.

მთავარი თემები