თბილისი, 10 ოქტომბერი — Sputnik. საქართველოს შსს-ს საზღვრის დაცვის პოლიციისა და გარემოსდაცვითი დეპარტამენტის თანამშრომლებმა ქვეყნის ტერიტორიული წყლების დაბინძურების სამი ფაქტი გამოავლინეს, ნათქვამია გარემოს დაცვისა და ბუნებრივი რესურსების სამინისტროს პრეს-სამსახურის განცხადებაში.
მალტისა და მარშალის კუნძულების დროშით მცურავმა გემებმა ფოთის, ხოლო ხორვატიის დროშით მცურავმა გემმა სუფსის ნავსადგურში სამეურნეო-ფეკალური წყლები ჩაღვარეს.
გემების კაპიტნებმა თითოეულმა 65 ათასი ლარის ოდენობის ჯარიმა და ასევე გარემოსათვის მიყენებული ზიანის თანხა უნდა გადაიხადონ.
გემები საქართველოს ტერიტორიულ წყლებს ჯარიმის გადახდის შემდეგ დატოვებენ.