თბილისი, 8 აგვისტო — Sputnik. საქართველოს საპატიმროებში იმყოფება უცხოეთის სახელმწიფოების 35 მსჯავრდებული და ბრალდებული ქალი, აღნიშნულია საქართველოს სასჯელაღსრულებისა და პრობაციის სამინისტროს ვებ-გვერდზე გამოქვეყნებულ მაისის სტატისტიკურ მონაცემებში.
7 აგვისტო 2017, 17:15
უწყების მონაცემებით, ქართულ ციხეებში სასჯელს იხდის ცხრა პატიმარი ქალი რუსეთიდან. რაოდენობის მხრივ მეორე ადგილზე თურქეთის მოქალაქეები არიან — 5 ქალი. მესამე ადგილს ინაწილებენ ბრაზილიელები, აზერბაიჯანელები და უკრაინელები (სამ-სამი).
შემდეგ არიან ქალები სამხრეთ აფრიკის რესპუბლიკიდან და უზბეკეთიდან (ორ-ორი). ქართულ ციხეში სასჯელს იხდის ასევე მოქალაქეობის არმქონე ქალი.
სულ ქართულ საპატიმროებში იმყოფება უცხო ქვეყნის 365 მოქალაქე ან პირი, რომელსაც მოქალაქეობა არა აქვს.
