მეფის შთამომავალი, თავადი ბაგრატ ბაგრატიონ-მუხრანელი ესპანეთში გარდაიცვალა

© FB / Kristine De Bagration-Mukhraneliიოანე ბაგრატიონ-მუხრანელი მამასთან ბაგრატ ბაგრატიონ მუხრანელთან
იოანე ბაგრატიონ-მუხრანელი მამასთან ბაგრატ ბაგრატიონ მუხრანელთან - Sputnik საქართველო
გამოწერა
სამეფო დინასტიის შთამომავალი, თავადი ბაგრატ ბაგრატიონ-მუხრანელი 68 წლისა გარდაიცვალა.

თბილისი, 22 მარტი — Sputnik. ესპანეთში გარდაიცვალა საქართველოს სამეფო დინასტიის შთამომავალი, თავადი ბაგრატ ბაგრატიონ-მუხრანელი, აღნიშნულია საქართველოს სამეფო კლუბის ვებ-გვერდზე განთავსებულ განცხადებაში.

ბაგრატ ბაგრატიონ–მუხრანბატონიშვილი ბავარიელი და ბურბონი იყო ბატონიშვილ ირაკლი ბაგრატიონ-მუხრანბატონის და მისი მესამე მეუღლის, ესპანეთის მეფის, ალფონსო XIII-ის დის, ინფანტა მარია ტერეზასა და ბავარიის სამეფო ოჯახის წარმომადგენლის, ფერდინანდ ბავარიელის (ვიტელსბახის) ასულის — მარია დე ლას მერსედეს დე ბავიერა ი დე ბურბონის ვაჟი.

ბაგრატ ბატონიშვილი დაიბადა 1949 წლის 12 იანვარს. ესპანეთში მისი სრული სახელი ასე გამოითქმის: მისი სამეფო უმაღლესობა, დონ ბაგრატ დე ბაგრატიონ დე ბურბონ ი დე ბავიერა, საქართველოს, ბავარიის და ესპანეთის პრინცი, მისი აღმატებულება ესპანეთის გრანდი.

თელავში მეფის სასახლის აღდგენა დასრულდა - Sputnik საქართველო
თელავში მეფის სასახლის აღდგენა დასრულდა

ბატონიშვილ ბაგრატს დარჩა ორი შვილი: იოანე (ხუან) და ინეს ბაგრატიონ-მუხრანბატონიშვილები.

"სამეფო კლუბი უსამძიმრებს ბატონიშვილ იოანეს და მისი ოჯახის წევრებს ბაგრატ ბატონიშვილის გარდაცვალების გამო", — ნათქვამია განცხადებაში.

ბაგრატ ბატონიშვილი გარდაიცვალა 20 მარტს, მამის, ბატონიშვილ ირაკლის დაბადების წინა დღეს, თუმცა ფართო საზოგადოებისთვის ეს ცნობილი 22 მარტს გახდა.

ყველა ახალი ამბავი
0