ქართველი მოსწავლეების უპრეცედენტო გამარჯვება ნიუ-იორკში

თბილისი, 4 თებერვალი — Sputnik. ბაქსვუდის საერთაშორისო სკოლა — თბილისის  მოსწავლეთა დელეგაცია 1-4 თებერვალს ნიუ-იორკში გამართულ გაეროს მოდელირების კონფერენციაზე, აღმოსავლეთ ევროპის საუკეთესო დელეგაციად აღიარეს.

საერთაშორისო არენაზე ქართველი ბავშვების ამ უპრეცედენტო გამარჯვების შესახებ სოციალურ ქსელ Facebook-ში სკოლის დირექტორმა და დელეგაციის ხელმძღვანელმა არჩილ სუმბაძემ დაწერა.

კონფერენცია გაეროს ასოციაციების მსოფლიო ფედერაციის მიერ იყო ორგანიზებული და მასში მსოფლიოს 65 ქვეყნის 850-ზე მეტი დელეგატი იღებდა მონაწილეობას. საქართველოს სახელით კონფერენციაში 12 ბაქსვუდელი მოსწავლე მონაწილეობდა. მათ შორის ორმა — რატი ფიფიამ და გიორგი აროშიძემ საუკეთესო დიპლომატის ჯილდოები მიიღეს. ხოლო კიდევ ორმა — ირაკლი სვანიძემ და ლუკა ზედგინიძემ კონფერენციის სამდივნოსგან განსაკუთრებული საჯარო შექება — „Honorable Mention”. 

გილოცავთ სრულიად დამსახურებულ გამარჯვებას! მართლაც ისტორიულ მოვლენას, რადგან გახდით პირველი ქართველი მოსწავლეები, რომელთაც ეს ტიტული ამხელა მასშტაბზე მოიპოვეს. ბედნიერი ვარ, რომ მაქვს პატივი, ვიყო თქვენი დირექტორი და მასწავლებელი! მომავლისკენ კიდევ უფრო დიდი გამარჯვებებია და ამას ვერაფერი დაუდგება წინ!!!  მეამაყებით და მაბედნიერებთ!“, — წერს თავის გვერდზე არჩილ სუმბაძე.

ქართველი ბავშვები თბილისში 8 თებერვალს დაბრუნდებიან.