ირაკლი კობახიძემ კალანდობა გურიაში აღნიშნა

© Sputnik / Alexander Imedashviliირაკლი კობახიძე
ირაკლი კობახიძე - Sputnik საქართველო
გამოწერა
საქართველოს პარლამენტის თავმჯდომარე ირაკლი კობახიძე პარლამენტის წევრებთან ერთად გურიაში კალანდობის სახალხო დღესასწაულს დაესწრო.

თბილისი, 14 იანვარი — Sputnik. საქართველოს პარლამენტის თავმჯდომარე ირაკლი კობახიძე ძველით ახალ წელს გურიაში შეხვდა და გურიისა და მთელი საქართველოს მოსახლეობას შობა-ახალი წელი და კალანდობა იქიდან მიულოცა.

ირაკლი კობახიძე - Sputnik საქართველო
ირაკლი კობახიძემ ბოდბისხევის ხანდაზმულთა პანსიონატის ბენეფიციარებს საჩუქრები გადასცა

ტრადიციული საკალანდო თეატრალიზებული რიტუალი სოფელ ცხემლისხიდში, ქორეოგრაფ გიორგი სალუქვაძის სახლ-მუზეუმში გაიმართა. ღონისძიება ოზურგეთის გამგეობის მიერ იყო ორგანიზებული. მასში მონაწილეობდნენ ადგილობრივი და მოწვეული ანსამბლები: „შემოქმედი“,„იადონი“, „ელესა“,„ურეკი“ და „ზენაარი“, აღნიშნულია საქართველოს პარლამენტის ვებ–გვერდზე განთავსებულ ინფორმაციაში.

„პირველ რიგში, ვულოცავ ამ ლამაზ დღეს გურიას, გურულებს და გურიასთან ერთად – სრულიად საქართველოს, კიდევ ერთხელ გილოცავთ შობა-ახალ წელს. პირველად ვიღებ მონაწილეობას ამ ლამაზ ღონისძიებაში და ეს ძალიან კარგი გრძნობაა. მინდა, კიდევ ერთხელ, ყველას მივულოცო შობა, ახალი წელი და ვუსურვო ბედნიერება და ყველაფერი საუკეთესო", — განაცხადა ირაკლი კობახიძემ.

კალანდობა, იგივე კალანდრა ახალ წელიწადს ნიშნავს. მას განსაკუთრებულად დასავლეთ საქართველოში — გურიაში აღნიშნავენ. 


ყველა ახალი ამბავი
0