თბილისი, 13 დეკემბერი — Sputnik. საქართველოს შინაგან საქმეთა სამინისტროს თანამშრომლებმა ცეცხლსასროლი იარაღისა და საბრძოლო მასალის უკანონო შეძენა-შენახვის ბრალდებით თბილისში 1982 წელს დაბადებული გ. გ. დააკავეს, იუწყება შინაგან საქმეთა სამინისტროს პრეს-სამსახური.
ბრალდებული წარსულში ნასამართლევია და ამჟამად პირობით სასჯელს იხდის.
„სამართალდამცველებმა ბრალდებულის ბინის ჩხრეკისას ნივთმტკიცების სახით ERMA WERKE EP 882 მოდელის არარეგისტრირებული პისტოლეტი და 12 საბრძოლო ვაზნა ამოიღეს“, – ნათქვამია პრეს-სამსახურის განცხადებაში.
დაკავებულმა ჩადენილი დანაშაული უკვე აღიარა.
გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს საქართველოს სსკ-ის 236-ე მუხლით, რაც 3-დან 5 წლამდე თავისუფლების აღკვეთას ითვალისწინებს.
