თბილისი, 20 მაისი — Sputnik. ქართველი შემსრულებელი ნინა სუბლატი „ევროვიზია 2015“–ის საერთაშორისო კონკურსის ფინალში გავიდა. ის მსმენელის წინაშე პირველ ნახევარფინალში სამშაბათს,გვიან ღამით, სიმღერით Warrior წარდგა.
სიმღერის ავტორი თავად სუბლატია. კომპოზიციას არანჟირება მოგვიანებით შვედმა კომპოზიტორმა ტომას ჯეისონმა (Thomas G:son) გაუკეთა. სუბლატის საკონცერტო კოსტიუმზე, რომელიც მაყურებლის წინაშე მებრძოლი ქალის სახით წარდგა, ქართველი დიზაინერი ქეთი ჩხიკვაძე მუშაობდა.
ფინალში, რომელიც 23 მაისს გაიმართება, ასევე მოხვდნენ კონკურსანტები ალბანეთიდან, სომხეთიდან, ბელგიიდან, უნგრეთიდან, საბერძნეთიდან, სერბეთიდან, რუმინეთიდან და ესტონეთიდან.
ევროვიზიის სიმღერის კონკურსის წესის შესაბამისად, ფინალში ავტომატურად გადავიდნენ ავსტრია (მასპინძელი ქვეყანა), ”დიდი ხუთეულის” ქვეყნები (დიდი ბრიტანეთი, გერმანია, ესპანეთი, საფრანგეთი, იტალია) და ევროვიზიის დებიუტანტი — ავსტრალია.
მეორე ნახევარფინალი 21 მაისს გაიმართება და მასში მონაწილეობას მიიღებენ ლიტვის, ირლანდიის, სან-მარინოს, მონტენეგროს, მალტის, ნორვეგიის, პორტუგალიის, ჩეხეთის, ისრაელის, ლატვიის, აზერბაიჯანის, ისლანდიის, შვედეთის, შვეიცარიის, კვიპროსის, სლოვენიის და პოლონეთის წარმომადგენლები.
