ისრაელში რამდენიმე დღეა ეთიოპური თემის დიდი საპროტესტო აქციები იმართება პოლიციელის მიერ 19 წლის სოლომონ ტეკას ლიკვიდაციის შემდეგ. იხილეთ ფოტოკადრები, თუ რა ხდება თელ-ავივში.
დემონსტრანტებმა გადაკეტეს გზები და დიდ ქალაქებში შესასვლელები – თელ-ავივში, რინოშ ლე-ხიონში, აშკელონში. საცობში ასობით ათასი ადამიანია გაჭედილი. დემონსტრანტებთან შეტაკებისას დაშავდა პოლიციის თანამშრომელი.
მანამდე ოპერმუშაკებმა 19 წლის სოლომონ ტეკას ლიკვიდაცია მოახდინეს, რომლის წინააღმდეგაც კანონდარღვევების გამო რამდენიმე საქმის გამოძიება მიმდინარეობდა. ინციდენტი 30 ივნისს მოხდა რაიონის ახალგაზრდულ კლუბთან, სადაც ეთიოპიიდან რეპატრიანტი ოჯახების შვილებისათვის ღონისძიებები იმართება.
როგორც პოლიციაში აცხადებენ, მათი თანამშრომელი თავდაცვის მიზნით მოქმედებდა. ამ დროისათვის პოლიციელს შინა პატიმრობა მიესაჯა, მოკლულის ნათესავები და მეგობრები, ასევე საზოგადოების წევრები მის მკაცრად დასჯას მოითხოვენ.
ისრაელის პოლიციის განცხადებით, სამოქალაქო ფორმაში ჩაცმული ოპერმუშაკი ქუჩაში მოჩხუბარი ახალგაზრდების გაშველებას ცდილობდა. არეულობის მონაწილეებმა მას ქვების სროლა დაუწყეს, თავდაცვის მიზნით მან ტაბელური იარაღი გამოიყენა.