მთელ პლანეტაზე შეხვდებით ისეთ უჩვეულო და უნიკალურ ხეებს, რომელთა სილამაზესაც გულგრილად ვერ ჩაუვლით. იხილეთ „Sputnik-საქართველოს“ ფოტომასალაში მსოფლიოს ყველაზე საოცარი ხეების სურათები.
ხე არის ცოცხალი ორგანიზმი, რომელიც იცავს ადამიანებსა და ცხოველებს. ცხელ ამინდში სეირნობისას მათ ჩრდილში დასვენება ძალიან სასიამოვნოა, ასევე უამინდობაში წვიმას შეგვიძლია ხის ქვეშ შევაფაროთ თავი. ხანდახან ისინი იმდენად ლამაზები არიან, რომ დანახვისას სუნთქვა გვეკვრება. ჩვენ პლანეტაზე 100000-ზე მეტი ჯიშის ხე არსებობს.
მსოფლიოს ყველაზე ლამაზი ხეები კაცობრიობას საკუთარი უნიკალურობით ანცვიფრებენ. ასეთ ხეებს აქვთ უალამაზესი გვირგვინები, უჩვეულო ზომები და საკმაოდ დიდი ასაკიც.
1/15
© photo : Pixabay
ვისტერია ფართოდ გამოიყენება დეკორატიულ მეყვავილეობაში. მწვანე ლიანებზე მრავალი ცისფერი, ალისფერი, თეთრი და ვარდისფერი სურნელოვანი ყვავილების დანახვისას, რთულია იმის გააზრება, რომ ვისტერია ლობიოს და ბარდის უახლოესი ნათესავია
სამხრეთ კაროლინაში ჯონსის კუნძულზე უკვე 400 წელზე მეტია დგას გიგანტური ხე - ანგელოზის მუხა. ის მარადმწვანე მუხების ჯიშს განეკუთვნება, რომელმაც სიცოცხლის განმავლობაში უამრავი ქარიშხალი გადაიტანა
ამ ფერად ევკალიპტს ჰავაის თილისმა შეგვიძლია ვუწოდოთ. ეს ხე მართლაც საოცრად გამოიყურება. ის ფანტასტიკის ჟანრის ფილმების რეჟისორების შთაგონებაც ყოფილა
დიდვლეის მკვდარი ხეობა - ნამიბიის ეროვნული პარკის ნამიბ-ნაუკლუფტის ერთ-ერთი უმთავრესი ბუნებრივი ღირსშესანიშნაობაა. დიდვლეის პარკში გაქვავებული ხეების ასაკი 900 წელს აღემატება
"მოცეკვავე ტყე" კალინინგრადის ოლქში
კუნძულ მადაგასკარს ალამაზებს ბაობაბები, რომლებისგანაც მეოთხედ კილომეტრიანი ხეივანი იქმნება. ბაობაბების ხეივანი მიიჩნევა არამხოლოდ ტურისტებისათვის ღირსშესანიშნაობად, არამედ ადგილობრივი მოსახლეობისათვის საკვების ამოუწურავ წყაროსაც წარმოადგენს
კამბოჯაში, ტა პრომის ტაძარში არსებულ გიგანტურ ხეებს იუნესკო იცავს. ყველა მათგანის ზრდა ხელოვნურად შეაჩერეს, რათა არ დააზიანონ ტაძრის კლდეები, სადაც ისინი იზრდებიან
უდაბნოს გულში მდგარი მარტოხელა სიცოცხლის ხიდან ყველაზე ახლო წყარო და მცენარეები დაახლოებით ორი კილომეტრის დაშორებითაა. სიცოცხლის ხე ბაჰრეინში ერთ-ერთი ყველაზე უჩვეულო ბუნებრივი მოვლენაა
9/15
© AP Photo / Peter Morrison
იდუმალებით მოცული ხეივანი სახელწოდებით "ბნელი გალავანი" ჩრდილოეთ ირლანდიის ქალაქ არმასთან ახლოს მდებარეობს. ის იმდენად ბნელი და საშიშია, აქ გავლისას, შესაძლოა თავი ზღაპარში გეგონოთ
იემენის რესპუბლიკის კუნძულ სოკოტრაზე იზრდება უჩვეულო ხეები სახელწოდებით სისხლიანი დრაცენა. თუ ხეს ჭრილობას მივაყენებთ, ის ღია წითელ წვენს გამოყოფს, რომელიც სისხლს მოგვაგონებს
ბამბუკების ტყე საგანოში, რომელიც იაპონიაში, კიოტოს პრეფექტურაშია განთავსებული, შედგება ათასობით მარადმწვანე ხისგან. ბამბუკის ღეროები ქარში რწევისგან გამოსცემენ მელოდიურ ხმებს, რომლებიც აღმოსავლეთში პოპულარულ ქარის ზარებს მოგვაგონებს
გიგანტური სეკვოიები იოსემტისის ეროვნულ პარკში
სლოუპ-პოინტი - ახალი ზელანდიის სამხრეთ კუნძულის ყველაზე სამხრეთ ნაწილი. აქ მუდმივად ძლიერი ქარი ქრის ანტარაქტიდის მხრიდან. ხეები, რომლებიც ასეთ მკაცრ კლიმატს უძლებენ, მოგრეხილები არიან ერთი მიმართულებით და ვერასდროს შეძლებენ სწორი ფორმის დაბრუნებას
ბოთლის ფორმის ხეები ავსტრალიის კუნძულ სოკოტრაზე იზრდება. როდესაც გვალვა იწყება, ხის ფოთლებს ჭამს საქონელი, მისი ბოთლისებრი ღერო კი სასმელი წყლის წყაროა
იაპონური საკურა გერმანიის ქალაქ ბონში 1980 წლიდან იზრდება. მისი ყვავილობისას ამ სილამაზის სანახავად მთელი მსოფლიოდან მოდიან ტურისტები
#/media/File:Tree_of_Life_in_Bahrain.JPG){kind=link}