საქართველოს საფეხბურთო ნაკრებმა პირველად დაკარგა ქულა უეფას ერთა ლიგაზე, როდესაც ხუთშაბათს ანდორის გუნდს დაუპირისპირდა. იხილეთ „Sputnik-საქართველოს“ ფოტოკადრები, თუ როგორ მიმდინარეობდა მატჩი.
ხუთი თამაშის შემდეგ ქართულმა გუნდმა 13 ქულა მოაგროვა და D1 ჯგუფში ლიდერის პოზიცია დაიკავა. ამავე ჯგუფის ორმა გუნდმა - ყაზახეთისა და ლატვიის ნაკრებებმა ხუთშაბათს შეხვედრა ფრედ 1:1 დაასრულეს.
საქართველოს საფეხბურთო ნაკრებმა გასვლაზე ანდორის გუნდთან ფრე ითამაშა
ქართული ნაკრების მთავარი მწვრთნელი ვლადიმერ ვაისი თამაშის დაწყებამდე ოპტიმისტურად იყო განწყობილი
თუმცა შეხვედრა დასრულდა ანგარიშით 1:1, რამაც ქართველი გულშემატკივრების ნაწილს იმედი გაუცრუა, ისინი კიდევ ერთ გამარჯვებას მოელოდნენ
ანგარიში თამაშში ქართველმა ფეხბურთელებმა გახსნეს, როდესაც მეცხრე წუთზე გიორგი ჩაკვეტაძემ მეტოქის კარში ზუსტად დაარტყა
ქართველმა ფეხბურთელებმა გოლის გატანა აღნიშნეს, თუმცა მეორე ტაიმში სიტუაცია შეიცვალა
მიუხედავად ქომაგების მხარდაჭერისა, ქართულმა გუნდმა მეორე ნახევარში სიტუაციის შეცვლა ვერ მოახერხა
მასპინძლებმა ანგარიში 63-ე წუთზე გაათანაბრეს - გოლი მარტინესმა გაიტანა
საქართველოს ნაკრების კარში გასული გოლი პირველი აღმოჩნდა ერთა ლიგაზე
თუმცა ეს ფრე საერთო სურათზე ვერ იმოქმედებს - საქართველოს ნაკრებს გარანტირებული აქვს ფინალში გადასვლა
ხუთი შეხვედრის შემდეგ ქართველმა სპორტსმენებმა 13 ქულა მოიპოვეს და D1 ჯგუფის ერთპიროვნული ლიდერები გახდნენ
ამავე ჯგუფის ორი დანარჩენი ნაკრები - ყაზახეთისა და ლატვიის გუნდები ხუთშაბათს შეხვდნენ ერთმანეთს და 1:1 ითამაშეს
ჯგუფის დასკვნით მატჩში 19 ნოემბერს ვაისის გუნდი თბილისში ყაზახეთის ნაკრებს უმასპინძლებს
