ელიავას ბაზრობის ტერიტორიაზე ხის საამქროში ხანძარი გაჩნდა. იხილეთ Sputnik-საქართველოს ფოტოები შემთხვევის ადგილიდან
ხანძრის ლიკვიდაციაში მეხანძრე-მაშველთა 17 ბრიგადა მონაწილეობდა. ბაზრის ტერიტორია პოლიციამ გადაკეტა. ამ მომენტისათვის ხანძარი ლიკვიდირებულია, მიმდინარეობს მოკვლევა. ხანძარმა დაახლოებით 800 კვადრატული მეტრის ფართობი დააზიანა.
ხანძრის ლიკვიდაციაში მეხანძრე-მაშველთა 17 ბრიგადა და ათი ერთეული სპეცტექნიკა მონაწილეობდა
აალება დილით ადრე მოხდა
ხანძარი მიმდებარე შენობებზეც გადავიდა და დიდი ტერიტორია მოიცვა
ადგილზე ოპერატიულად მივიდნენ მეხანძრე-მაშველები, რომლებმაც ყველაფერი გააკეთეს იმისათვის, რომ ხანძარი მეტად არ გავრცელებულიყო
მიუხედავად ამისა, ხანძარმა მაინც დააზიანა 800 კვადრატული მეტრის ფართობი
თუმცა, ბაზრობის ტერიტორიაზე მრავლადაა ადვილად აალებადი მასალები, რის გამოც ხანძრის უფრო მეტად გავრცელების საფთხეც იყო
ხანძართან ბრძოლა რამდენიმე საათის განმავლობაში გრძელდებოდა
ამ დროისათვის ხანძარი ლიკვიდირებულია
ხის გადამამუშავებელი ობიექტების მეპატრონეები ზარალს ითვლიან
გამომძიებლები აალების მიზეზებს ადგენენ
ბოლო წლების განმავლობაში ელიავას ბაზრობაზე არაერთი ხანძარი გაჩენილა
ადრე რამდენიმე ხანძრის შედეგად ბაზრის ტერიტორიაზე დაიწვა ობიექტები, სადაც ვაჭრობდნენ ავტომობილების ნაწილებითა და სამშენებლო მასალებით
ელიავას ბაზრობაზე არაერთი ობიექტი ვაჭრობს ადვილად აალებადი მასალებით, ამიტომ ხანძრის ჩაქრობა ბევრ სირთულესთანაა დაკავშირებული
ბაზრის ტერიტორიის დიდ ნაწილზე არ არის ხანძრის ჩამქრობი თანამედროვე სისტემა, ამიტომ აალების შემთხვევაში ყველაფერი დამოკიდებულია მხოლოდ მეხანძრე-მაშველების ოპერატიულ მუშაობაზე
