საქართველოს ნაკრები ლატვიის გუნდზე გამარჯვების შემდეგ ჯგუფში ლიდერობს. იხილეთ Sputnik-საქართველოს ფოტოლენტაში, თუ როგორ მიმდინარეობდა ქართული გუნდისათვის მნიშვნელოვანი მატჩი
ქართული საფეხბურთო ნაკრები ლატვიის გუნდის კარში პენალტის გატანის შემდეგ დაწინაურდა, მატჩი დასრულდა ანგარიშით 1:0.
საქართველოს ნაკრებს ლატვიის გუნდის დამარცხება ესაჭიროებოდა, რაც მოახერხა კიდეც
მიუხედავად იმისა, რომ ქართველი ფეხბურთელები ბურთსაც და მოედანსაც უპირატესად ფლობდნენ, მატჩის პირველი ნახევარი გოლის გარეშე დასრულდა
თამაშის დროს ქართულმა ნაკრებმა დაწინაურების არაერთი შანსი გაუშვა ხელიდან
საქართველოს ნაკრების მთავარი მწვრთნელი ვლადიმერ ვაისი მატჩის დაწყებამდე უფრო ოპტიმისტურად იყო განწყობილი, ვიდრე დასასრულის დროს, მიუხედავად გამარჯვებისა. მისი თქმით, თამაში რთული იყო
მეორე ტაიმში ქართვული გუნდი შეტევაზე გადავიდა და გოლიც გაიტანა, რომელიც, მსაჯის გადაწყვეტილებით, არ ჩაითვალა
თუმცა 77-ე წუთზე თორნიკე ოქრიაშვილმა მატჩის განმავლობაში ერთადერთი გოლი გაიტანა
თორნიკე ოქრიაშვილმა სუფთად შეასრულა 11 მეტრიანი
ლატვიის ნაკრების მთავარი მწვრთნელი მიკსუ პაატელაინენი არ დაეთანხმა მსაჯს პენალტის დანიშვნაში
თუმცა გოლი გავიდა, ქართველი ფეხბურთელები და მათი ქომაგებით სავსე სტადიონი ერთად აღნიშნავდა გოლს
თამაში დაძაბულ ვითარებაში გაგრძელდა, თუმცა საქართველოს ნაკრების კარში გოლი არ გასულა
მიუხედავად დამარცხებისა, ლატვიის გუნდის კაპიტანი, მეკარე ანდრის ვანინსი მიიჩნევს, რომ მის გუნდს ჯერ კიდევ აქვს შანსები
მატჩის დროს გულშემატკივრებმა ერთ-ერთ ადგილზე გადმოფინეს დიდი ბანერი გიორგი ქვილითაიას მხარდამჭერი წარწერით. მატჩამდე ერთი დღით ადრე ვარჯიშის დროს მან სერიოზული ტრავმა მიიღო
ლატვიასთან შეხვედრაში გიორგი ქვილითაია ნიკა კაჭარავამ შეცვალა
თამაშის დასრულების შემდეგ ქართველმა ფეხბურთელებმა სიმბოლური ჟესტი გააკეთეს და გამარჟვება გიორგი ქვილითაიას მიუძღვნეს
თუმცა ქვილითაიას მხარდამჭერი ბანერი ერთადერთი არ იყო სტადიონზე. მოპირდაპირე ტრიბუნაზე ქომაგებმა გამოფინეს გურამ კაშიას მხარდამჭერი პლაკატები. მცველის მიმართ განსაკუთრებულ ყურადღებას იჩენენ მას შემდეგ, რაც ის უეფას ჯილდოს Equal Game ისტორიაში პირველი მფლობელი გახდა. ფეხბურთელი "ვიტესის" რიგებში თამაშის დროს ჰოლანდიური კლუბების კაპიტნებს შორის აქციაში მონაწილეობდა, რომლებიც ცისარტყელის ფერებიანი სამკლაურებით თამაშობდნენ და ამით ლგბტ საზოგადოებას უჭერდნენ მხარს
საბოლოო შეფასებით, ქართულმა გუნდმა ლატვიის წინააღმდეგ თამაშში კარგ შედეგს მიაღწია
ტრიბუნებზე მყოფი ათობით ათასი მაყურებელი აქტიუად გულშემატკივრობდა ქართულ ნაკრებს მთელი თამაშის განმავლობაში
ლატვიაზე გამარჯვების შემდეგ ქართულმა ნაკრებმა ექვსი ქულა მოაგროვა და ჯგუფში ლიდერიც გახდა. შემდეგ მატჩს ვლადიმერ ვაისის გუნდი 13 ოქტომბერს ანდორის წინააღმდეგ გამართავს
