საქართველოს სამხედრო გზაზე რამდენიმე კილომეტრის სიგრძის საცობია. იხილეთ Sputnik-საქართველოს ფოტოლენტაში სატვირთო ავტომობილების სურათები, რომლებიც ყაზბეგი — ზემო ლარსის საკონტროლო-გამშვები პუნქტისკენ მიემართებიან
ყაზბეგი — ზემო ლარსის საკონტროლო-გამშვებ პუნქტთან სატვირთოებისგან რამდენიმე კილომეტრიანი საცობი შეიქმნა. საქართველოს შსს სიტუაციასთან დაკავშირებით აცხადებს, რომ სასაზღვრო-გამშვები პუნქტი საქართველოს მხრიდან შეფერხების გარეშე მუშაობს. უწყების მონაცემებით, პრობლემა ზემო ლარსის სასაზღვრო-გამშვებ პუნქტზე შეიქმნა — რუსული მხარე ავტომობილების დიდ რაოდენობას ვერ უმკლავდება.
უკვე რამდენიმე დღეა საქართველოს სამხედრო გზაზე სატვირთო ავტომობილების დიდი საცობია
მანქანების დიდი ნაწილით მალფუჭებადი პროდუქცია გადააქვთ - ხილი და ბოსტნეული
სატვირთოების მძღოლები ამბობენ, რომ რიგში უკვე სამ დღეზე მეტია დგანან
ჯერ კიდევ ივლისის დასაწყისში საქართველოს ფინანსთა სამინისტროს შემოსავლების სამსახურმა გაავრცელა ინფორმაცია, რომ სატვირთოებზე ლიმიტი დაწესდა
რუსული მხარე დღეში ორჯერ ნაკლებ მანქანას ატარებს წინანდელთან შედარებით
თუმცა, სამგზავრო ტრანსპორტი შეფერხების გარეშე კვეთს საზღვარს
ტურისტულ სეზონზე რუსი მესაზღვრეები პრიორიტეტულად ტურისტების და მსუბუქი ავტომობილების მომსახურებას მიიჩნევენ
სატვირთოების მძღოლები ვერ გებულობენ, თუ რა არის ხანგრძლივი შეყოვნების მიზეზი. მესაძღვრეები მათ ადგილზე დარჩენისკენ და დალოდებისკენ მოუწოდებენ
არავინ მოელოდა ამდენი ხნით შეფერხებას
მძღოლებს უკვე უთავდებათ საკვებისა და სასმლის მარაგი
პროდუქტების საყიდლად სატვირთოებით წასვლის უფლებას პატრული არ იძლევა, ფეხით კი ძალიან დიდი მანძილია გასავლელი. Sputnik-საქართველოს კორესპონდენტმა გადაწყვიტა რამდენიმე მძღოლს დახმარებოდა და მათ საკვები უყიდა
ყაზბეგი - ზემო ლარსის სასაზღვრო-გამშვები პუნქტი ერთადერთი მოქმედი სახმელეთო გამშვები პუნქტია საქართველო-რუსეთის საზღვარზე
