თბილისის მერის ინიციატივით შაბათს თბილისში ამხანაგური მატჩი გაიმართა ქალაქის მცხოვრებებსა და სტუმრებს შორის. იხილეთ Sputnik-საქართველოს ფოტოლენტაში, თუ როგორ ჩატარდა მატჩი
გასულ კვირას დიღომში ადგილობრივ მოსახლეობასა და შავკანიან უცხოელებს შორის ჩხუბი მოხდა. სოციალურ ქსელებში გავრცელდა ვიდეოკადრები, რომლებზეც ჩანს, რამდენიმე მამაკაცი როგორ დევნიდა სტადიონიდან შავკანიან მამაკაცებს, შემდეგ კი ცემენ მათ.
დაზარალებულები მიიჩნევენ, რომ ინციდენტის მიზეზი რასიზმია, ხოლო ადგილობრივი მაცხოვრებლების თქმით, ინციდენტი მას შემდეგ მოხდა, რაც შავკანიანებმა ბავშვებს ფეხბურთის თამაშის საშუალება არ მისცეს.
დაძაბული მდგომარეობის განსამუხტად თბილისის მერმა კახა კალაძემ ინციდენტის საპასუხოდ ამავე სტადიონზე ამხანაგური მატჩის გამართვის იდეა წამოაყენა. ამ ინიციატივას მხარი დაუჭრია საქართველოს ფეხბურთის ფედერაციამ.
