საზეიმო აქცია მოაწყვეს თბილისში ახალგაზრდობისა და სტუდენტების მსოფლიო ფესტივალის მონაწილეებმა. იხილეთ „Sputnik-საქართველოს“ ფოტომასალა, თუ როგორ ულოცავდნენ სტუდენტები გამვლელებს ქალაქის ცენტრში.
როგორც „Sputnik-საქართველოს“ ნესტან ჩიტაიამ — ქართული დელეგაციის ხელმძღვანელმა განუცხადა, ფესტივალის უცხოელმა და ქართველმა მონაწილეებმა 8 მარტთან დაკავშირებით საკუთარ ქვეყნებში სადღესასწაულო აქციის მოწყობა გადაწყვიტეს.
"სოჭში ყოფნის დროს ყველა დავმეგობრდით ერთმანეთთან და დღეს ყველამ ერთად გადავწყვიტეთ ასეთი ღონისძიების გამართვა", — აღნიშნა ნესტან ჩიტაიამ.
აქციის ფარგლებში თბილისში 15 აქტივისტი მეტროს სადგურ "რუსთაველთან" გამვლელებს ულოცავდნენ და ყვავილებს ჩუქნიდნენ. საჩუქრები და მილოცვა ათობით ქალმა მიიღო. აქციას მხარი დაუჭირეს ბათუმშიც — იქ 10-მა აქტივისტმა ქალებს ქალთა საერთაშორისო დღე მიულოცა და 50 თაიგული დაურიგა.
