ბორჯომის ნახანძრალი ტყე: მძიმე ფოტო-კადრები გადაბუგული ტერიტორიიდან

ფოტოები, რომლებსაც გთავაზობთ, გულგრილს ძნელად თუ დატოვებს ვინმეს. ქვეყნის უნიკალური ტყე-პარკის საკმაოდ მოზრდილი ნაწილი გადაბუგულია.

ეს კადრები სოფელ ყვიბისის მიმდებარე ტყეშია გადაღებული.

ბორჯომის ტყეში 20 აგვისტოს დაწყებულმა ხანძარმა 12 ჰექტარზე მეტი ტყე შეიწირა.

თუმცა, დღეისათვის მდგომარეობა გაუმჯობესებულია: ცეცხლის გავრცელება შეჩერებულია, ხოლო ხანძრის ძირითადი კერები — ჩამქრალი.
ადგილზე მუშაობს ექვსი ვერტმფრენი, რომლებიც საქართველოში აზერბაიჯანიდან, თურქეთიდან და ბელარუსიდან ჩამოვიდა. მათ გარდა დღეს ცეცხლის საბოლოო ლიკვიდაციის საქმეში სომეხი და აზერბაიჯანელი მეხანძრე-მაშველებიც ჩაერთვებიან.