ტელეკომპანია „რუსთავი 2“-ის ცენტრალურ ოფისში დაახლოებით ღამის 12 სააათზე ხანძარი გაჩნდა. იხილეთ „Sputnik-საქართველოს“ ფოტომასალა, თუ როგორ მუშაობდნენ შემთხვევის ადგილზე სახანძრო ბრიგადები და ექსპერტი-კრიმინალისტები.
შემთხვევის ადგილზე ოპერატიულად მივიდა ოთხი სახანძრო ბრიგადა. როგორც მოგვიანებით გაირკვა, ხანძარი ტელეკომპანიის ტექნიკურ განყოფილებაში გაჩნდა. ხანძრისგან დაზიანდა საწყობში შენახული ავეჯი და დეკორაციები. მომხდარ ფაქტზე აღძრულია სისხლის სამართლის საქმე, მიმდინარეობს გამოძიება.
ხანძრის შედეგად შენობაში რამდენიმე ათეული კვადრატული მეტრის ფართობი დაიწვა
ტელეკომპანიის შენობაში მომხდარ საგანგებო შემთხვევას ყველა ქართული მედია აშუქებდა, ტელეკომპანიები პირდაპირ ეთერში აშუქებდნენ მიმდინარე მოვლენებს
ათობით ჟურნალისტი ცდილობდა ინფორმაციის მოპოვებას ხანძრის დროს
როგორ ტელეკომპანიის ხელმძღვანელობამ განაცხადა, "რუსთავი 2-ს" გაუმართლა, რადგან ხანძარი დროულად ჩააქრეს
ხანძარმა ტექნიკური განყოფილებები დააზიანა, დაიწვა რამდენიმე დეკორაცია
საგანგებო შემთხვევის ადგილზე ოთხი სახანძრო ბრიგადა ოპერატიულად მივიდა
მეხანძრეებმა აალების კერის მოკლე დროში ლიკვიდაცია მოახერხეს
ხანძრის კერის ლიკვიდაციის შემდეგ ექსპერტ-კრიმინალისტებმა დაიწყეს მუშაობა
ამ დროისათვის სპეციალისტები აალების ხანძრის გაჩენის მიზეზებს ადგენენ, მომხდართან დაკავშირებით აღძრულია სისხლის სამართლის საქმე
ხანძრის შესახებ მედიაში ინფორმაციის გაჟღერებიდან ადგილზე მალევე მიივდნენ ტელეკომპანიის თანამშრომლები
ჟურნალისტებს ესაუბრა საინფორმაციო გამოშვება "კურიერის" წამყვანი ზაალ უდუმაშვილი, რომელიც თბილისის მერობის კანდიდატია. მან განაცხადა, რომ ტელეკომპანიას გაუმართლა და ხანძარი მალე ჩააქრვრეს. მისი აზრით, მომხდარის ფაქტზე გამოძიებას ბოლომდე არავინ მიიყვანს
ხანძრის შედეგად დაიწვა ავეჯი და დეკორაციები, არავინ დაშავებულა
სახანძრო სამსახურის მონაცემებით, ტექნიკურ განყოფილებაში 350 კვ. მეტრიდან მხოლოდ 30 დაიწვა
ხანძრის გაჩენის დროს ტელეკომპანიამ რამდენიმე წუთით მაუწყელობა შეწყვიტა. შემთხვევის შესახებ პირველი ინფორმაცია ტელეკომპანიის გენდირექტორ ნიკა გვარამიაზე დაყრდნობით გავრცელდა
"ხანძარი საშუალო სიძლიერის იყო, დაიწვა მხოლოდ ერთი ოთახი. სტუდიებში ხანძრის არავითარი კვალი არ არსებობს, გარდა ბოლისა. დაიწვა დეკორაციების ნაწილი და რამდენიმე სკამი, ასევე ე. წ. "კერხერი" და კომპრესორი", - "რუსთავი 2-ის" ეთერში განაცხადა სახანძრო სამსახურის ერთ-ერთმა თანამშრომელმა
ტელეკომპანია "რუსთავი 2-ის" შენობა სანდრო ეულის ქუჩაზე მდებარეობს
