თბილისის ერთ-ერთ ცენტრალურ ბაზარში გაჩენილმა ხანძარმა საზოგადოების ყურადღება მიიქცია. იხილეთ „Sputnik-საქართველოს“ ფოტომასალა, თუ რა ხდებოდა შემთხვევის ადგილზე.
ხანძრები საქართველოს ბაზრებში აქტუალურ თემად იქცა ქართულ მასმედიასა და სოციალურ ქსელებში. ყოველი ასეთი შემთხვევა განხილვის საგნად იქცა, ხშირად საუბრობენ ხანძრის განზრახ გაჩენის შესახებაც – თითქოს ამ ყველაფერს დაინტერესებული პირები აწყობენ. არც ორშაბათს "დეზერტირების ბაზარში" გაჩენილი ხანძარი ყოფილა გამონაკლისი.
შემთხვევის ადგილზე მალევე გამოჩნდნენ ქართული მასმედიის წარმომადგენლები, მოვლენა შუქდებოდა პირდაპირ ეთერშიც. ხანძრის კერის ლიკვიდაციისთვის გამოიყო 10 ბრიგადა. კერა მალე ჩააქრეს, დაიწვა საწყობი, თუმცა ახლომდებარე სხვა ობიექტები არ დაზიანებულა. ბაზრის მუშაობა ხანძრის ლიკვიდაციის დროს არ შემწყდარა — ალმოდებული საწყობი მთავარი სავაჭრო შენობიდან მოშორებით მდებარეობს.
