იინტერნეტ–აუდიტორიას შეუძლია ხმა მისცეს ანდრეი სტენინის სახელობის ფოტოჟურნალისტიკის კონკურსის საუკეთესო ნამუშევარს. იხილეთ საუკეთესო სურათები ფოტომასალაში, რომლებიც კონკურსის შორტ-ლისტში შევიდა.
კვირაზე ნაკლები დარჩა ხმების მიღების დასრულებამდე. ანდრეი სტენინის სახელობის ფოტოჟურნალისტიკის კონკურსი ორგანიზებულია მედიაჯგუფის Россия сегодня მიერ რუსეთის იუნესკოს საქმეთა კომისიის ეგიდით. არჩევანის გაკეთება ნებისმიერ მსურველს შეუძლია კონკურსის ვებ-გვერდზე www.stenincontest.com 18 ივლისის 23:59-მდე.
ინტერნეტში ყველაზე პოპულარული ფოტოს ავტორი მიიღებს კონკურსის დიპლომს, ხოლო პროფესიონალებისგან შემდგარი ჟიურის ვერსიით გამარჯვებულები 2017 წლის 7 აგვისტოს გამოვლინდებიან. ჟიურის, რომლის შემადგენლობაში შედიან მსოფლიოსა და რუსეთის ფოტო- და არტ-კავშირების ლიდერები, ხელმძღვანელობს ჟურნალ "შტერნის" ფოტოდირექტორი ანდრეას ტრამპი.
2017 წელს კონკურსზე გაგზავნილი იყო 5000 ნამუშევარი 76 ქვეყნიდან ოთხ ნომინაციაში: "მთავარი სიახლეები", "სპორტი", "ჩემი პლანეტა" და "პორტრეტი. ჩვენი დროის გმირი". ონლაინ ხმის მიცემაში მოხვდა ჟიურის მიერ შორტ-ლისტში შეტანილი ფოტოები.
ფოტოჟურნალისტიკის საერთაშორისო კონკურსი მიზნად ისახავს ახალგაზრდა ფოტოგრაფების მხარდაჭერას და თანამედროვე ფოტოჟურნალისტიკის სირთულეებზე საზოგადოების ყურადღების გამახვილებას.
