ათასობით ადამიანი დაესწრო ავიაშოუს Fly Fest Georgia, რომელიც საქართველოში პირველად ჩატარდა. შოუში მონაწილეობდნენ პროფესიონალი მფრინავები, რომლებმაც უმაღლესი პილოტაჟის ფიგურები შეასრულეს. იხილეთ "Sputnik-საქართველოს" ფოტოკადრები, თუ როგორ ჩატარდა ავიაფესტივალი.
ნატახტრის აეროდრომზე პირველად გაიმართა ავიაფესტივალი Fly Fest Georgia. სტუმრების მოსაზიდად ორგანიზატორებმა შესვლაზე სიმბოლური ფასი — 10 ლარი დააწესეს. ავიაფესტივალში მონაწილეობას პროფესიონალი მფრინავები იღებდნენ, რომლებმაც მაყურებლებისთვის სხვადასხვა ფიგურები შეასრულეს. ასევე გაიმართა პარაშუტით ხტომა, ფრენა მოტოპარაპლანითა და საჰაერო ბურთით.
ფესტივალის ორგანიზატორები იყვნენ კომპანია Service Air და ტურისტული კომპანია Vanilla Sky. მისი მიზანი საჰაერო სპორტის, ექსტრემალური გართობისა და საქართველში ტურიზმის განვითარებაა. ინიციატივას მხარი დაუჭირეს საქართველოს მთავრობის წარმომადგენლებმაც – ავიაფესტივალს დაესწრო ქვეყნის პრემიერ-მინისტრი გიორგი კვირიკაშვილი მის თანმხლებ პირებთან ერთად.