ბრიტანეთის ქალაქ მანჩესტერში, "მანჩესტერ არენას" სტადიონზე 22 მაისის საღამოს აფეთქება მოხდა, რის შედეგადაც დაიღუპა 22 ადამიანი, მათ შორის ბავშვები. დაშავდა 59 ადამიანი.
პოლიციამ მომხდარს ტერაქტის კვალიფიკაცია მიანიჭა და განაცხადა, რომ აფეთქება თვითმკვლელმა ტერორისტმა განახორციელა. აფეთქებამდე სტადიონზე ცნობილი ამერიკელი მომღერლის, არიანა გრანდეს კონცერტი ტარდებოდა. ღონისძიებას უამრავი ბავშვი და მოზარდი ესწრებოდა, ვინაიდან მომღერალი მათი კუმირია.
ბრიტანეთი გლოვობს. ბრიტანელი ლეიბორისტების ლიდერმა ჯერემი კორბინმა პრემიერ-მინისტრ ტერეზა მეისთან ერთად წინასაარჩევნო კამპანიის შეჩერების შესახებ განაცხადა, რომელიც 8 ივნისის არჩევნებს ეძღვნებოდა.
ბოლო 25 წლის განმავლობაში გაერთიანებულ სამეფოზე არაერთხელ განხორციელებულა ტერორისტული შეტევა, რომელთა ნაწილიც რელიგიური შინაარსის იყო, ხოლო დანარჩენები ირლანდიაში წინააღმდეგობას უკავშირდებოდა.
1/15
© AFP 2024 / Ben STANSALL
ექვსი მოზარდი - ქლოე რაზერფორდი, ლაიამ კერი, ოლივია კემპბელი, ლორა მაკინტაირი, ეილიდ მაკლეოდი, კორტნი ბოილი, მისი მამინაცვალი ფილიპ ტრონი, ასევე რვა წლის როუზ რუსო უგზო-უკვლოდ დაკარგულებად მიიჩნევიან, ნათქვამია ბრიტანეთის პოლიციის განცხადებაში. ფოტოზე: ხალხი ერთმანეთს ეხვევა მანჩესტერის სავაჭრო ცენტრიდან Arndale ევაკუაციის შემდეგ
მანჩესტერის პოლიციის მონაცემებით, აფეთქების შედეგად დაიღუპა 22 ადამიანი, დაშავდა - 59. ყველა დაშავებული ქალაქის რვა სხვადასხვა საავადმყოფოში გადაიყვანეს. ფოტოზე: პოლიციის მანქანები "მანჩესტერ არენასთან", სადაც ტერაქტი მოხდა
3/15
© AP Photo / Peter Byrne
ადგილზე მყოფი ჟურნალისტებისა და სოციალური ქსელების მომხმარებლების ინფორმაციით, კონცერტზე ძალიან ბევრი არასრულწლოვანი იმყოფებოდა, 23 წლის მომღერალი არიანა გრანდე ბევრი მოზარდის კუმირია. ის ასრულებს საკუთარ სიმღერებს, ასევე მონაწილეობს ფილმებში და ახმოვანებს მულტფილმებს. მომღერალმა მთავარი როლი შეასრულა რამდენიმე ტელესერიალში, გარდა ამისა, გაახმოვანა მულტფილმი Winx Club და მისთვისვე დაწერა საუნდტრეკები
4/15
© AP Photo / Peter Byrne
ამერიკელმა მომღერალმა არიანა გრანდემ ტერაქტის შემდეგ ევროპაში დაგეგმილი ტურნეს შეჩერების შესახებ განაცხადა, იუწყება RTBF
ქალაქის ხელისუფლებამ განაცხადა, რომ ტერაქტის შედეგად დაიღუპა რვა წლის გოგონა, რომელიც კონცერტზე დედასთან და უფროს დასთან ერთად მივიდა. ფოტოზე: პოლიციელები ეხმარებიან ხალხს, რომლებიც აფეთქების დროს სტადიონზე იმყოფებოდნენ
6/15
© AP Photo / Peter Byrne
ტელეარხის CBS News მონაცემებით, ტერაქტის განხორციელებაში ეჭვმიტანილი 23 წლის სალმან აბედია. როგორც იუწყება ტელეარხი, აბედის შესახებ ბრიტანეთის ხელისუფლებას თავდასხმამდეც ჰქონდა ინფორმაცია
აშშ-ის ეროვნული დაზვერვის დირექტორმა დენიელ კოუტსმა განაცხადა, რომ ამერიკის სპეცსამსახურები ამ მომენტისათვის ვერ ადასტურებენ "ისლამური სახელმწიფოს" მონაწილეობას მანჩესტერში მომხდარ ტერაქტში. "ისლამურმა სახელმწიფომ" საკუთარ თავზე აიღო პასუხისმგებლობა მანჩესტერში განხორციელებულ შეტევაზე, რასაც ისინი თითქმის ყველა შეტევაზე აკეთებენ. ჩვენ ჯერ ვერ დავადგინეთ, აქვთ თუ არა მათ კავშირი მომხდართან", - აღნიშნა კოუტსმა. ფოტოზე: ხედი "მანჩესტერ არენაზე", სადაც აფეთქება მოხდა
სამედიცინო დაწესებულებების მონაცემებით, ტერაქტის შედეგად დაახლობით 120 ადამიანი დაშავდა
სკოტლენდ-იარდი ტერაქტთან დაკავშირებით ლონდონში დაგეგმილი ღონისძიებების უსაფრთხოების ზომებს განიხილავს. ფოტოზე: კრიმინალისტები აფეთქების ადგილზე მუშაობენ
მანჩესტერის სავაჭრო ცენტრში Arndale დილით ევაკუაცია ჩატარდა. მანამდე თვითმხილველები იუწყებოდნენ აფეთქების მსგავსი ხმის შესახებ. მალე სავაჭრო ცენტრმა მუშაობა განაახლა. ფოტოზე: მანჩესტერის მაცხოვრებლები ევაკუაციის დროს
მანჩესტერის პოლიციამ გაავრცელე განცხადება, სადაც მოქალაქეებს ქალაქის ცენტრიდან თავის არიდებას თხოვს, რათა გამომძიებლებსა და ექსპერტებს მუშაობაში ხელი არ შეეშალოთ
გავრცელდა ინფორმაცია ეჭვმიტანილის დაკავების შესახებ. Twitter-ზე საკუთარ ოფიციალურ გვერდზე სამართალდამცავი ორგანოები ადასტურებენ, რომ გამოძიების ფარგლებში დააკავეს ეჭვმიტანილი. "გუშინდელ შემთხვევასთან დაკავშირებით შეგვიძლია დავადასტუროთ, რომ დავაკავეთ 23 წლის ახალგაზრდა მანჩესტერის სამხრეთში", - ნათქვამია განცხადებაში
მამაკაცი ტერაქტის შემდეგ ასფალტზე წერს ანტიტერორისტულ მიმართვას
დიდი ბრიტანეთის პრემიერ-მინისტრმა ტერეზა მეიმ დაუნინგ-სტრიტის სპეციალურ მიმართვაში განაცხადა, რომ დაშავებულთა და დაღუპულთა შორის ბევრი ბავშვი და მოზარდია. "ჩვენ ვიცით, რომ დაღუპულთა და დაშავებულთა შორის არიან ბავშვები და მოზარდები. ტერორისტმა წინასწარ შეარჩია დრო და ადგილი, რათა მოეწყო საშინელება, მოეკლა და დაეხოცა ყველა მის გარშემო", - განაცხადა მეიმ.
15/15
© AFP 2024 / Ben STANSALL
პოლიციის ოფიცრები წმინდა ანას მოედანზე ანაწილებენ ყვავილებს, რომლებიც ქალაქის მაცხოვრებლებმა ტერაქტის შედეგად დაღუპულთა პატივის მისაგებად მიიტანეს
