9 მაისს ასობით ადამიანი მივიდა ვაკის პარკში, სადაც უცნობი ჯარისკაცის საფლავია და მარადიული ცეცხლი ანთია. მიმსვლელებს საფლავზე ყვავილები მიაქვთ დაღუპულთა პატივსაცემად. ვაკის პარკი ომის ვეტერანებისა და მათი ახლობლების შეხვედრის ტრადიციული ადგილია. იხილეთ "Sputnik-საქართველოს" ფოტორეპორტაჟი იმის შესახებ, თუ როგორ აღნიშნეს თბილისში გამარჯვების დღე.
ვაკის პარკში გამარჯვების დღეს აქციის მონაწილეებმა გამართეს მსვლელობა "უკვდავი პოლკი" ნათესავების პორტრეტებითა და ფოტოებით, დიდ სამამულო ომში დაღუპულთა სურათებით. უცნობი ჯარისკაცის საფლავთან ყვავილის გვირგვინები მიიტანეს საქართველოს ხელისუფლების წარმომადგენლებმა, დიპლომატიური მისიებისა და სამოქალაქო ორგანიზაციების მეთაურებმა, საზოგადო მოღვაწეებმა და თბილისის რიგითმა მაცხოვრებლებმა.
9 მაისს ვაკის პარკში გამართული აქციის "უკვდავი პოლკი" უმცროსი მონაწილე
9 მაისს თბილისის მაცხოვრებლებმა და სტუმრებმა ვაკის პარკში, უცნობი ჯარისკაცის საფლავთან მოიყარეს თავი და გამარჯვების დღე აღნიშნეს
3/20
© Sputnik / Levan Avlabreli
უცნობი ჯარისკაცის საფლავთან 9 მაისს დილიდან უკრავდა საქართველოს თავდაცვის ორკესტრი, ისინი ომის პერიოდის სიმღერებს ასრულებდნენ
4/20
© Sputnik / Levan Avlabreli
გამარჯვების დღეს დაღუპულებს პატივი მიაგეს სხვადასხვა პოლიტიკური ორგანიზაციების წარმომადგენლებმა. ფოტოზე: ნაციონალური მოძრაობის ლიდერები ნიკა მელია და გიორგი ვაშაძე ყვავილებს აწყობენ მარადიულ ცეცხლთან
5/20
© Sputnik / Levan Avlabreli
ვაკის პარკს 9 მაისს დილიდან ორი რუსი ბაიკერი სტუმრობდა. ისინი საქართველოში აპრილში ჩამოვიდნენ, ხოლო გამარჯვების დღეს დიდ სამამულო ომში დაღუპულთათვის პატივის მისაგებად ისინი ვაკის პარკში მივიდნენ. ფოტოზე: ქართველი ჟურნალისტები ერთ-ერთ ბაიკერს ესაუბრებიან
აქცია "უკვდავი პოლკის" მონაწილეები ვაკის პარკში - ეს აქცია 11:00 საათზე დაიწყო და ნახევარი საათის განმავლობაში გაგრძელდა, რაც საქართველოს პარლამენტის დელეგაციის მხრიდან უცნობი ჯარისკაცის საფლავზე ყვავილების მიტანით გაგრძელდა, ამიტომ "უკვდავი პოლკის" მონაწილეებს ცერემონიის ოფიციალური ნაწილის დასრულებამდე მოცდა მოუწიათ
7/20
© Sputnik / Levan Avlabreli
საქართველოს თავდაცვის მინისტრი ლევან იზორია უცნობი ჯარისკაცის საფლავზე ყვავილების მიტანის ცერემონიაში მონაწილეობს
სრულიად საქართველოს კათოლიკოს-პატრიარქმა ილია მეორემ ვაკის პარკში უცნობი ჯარისკაცის საფლავთან პანაშვიდი გადაიხადა
ბელარუსისა და ყაზახეთის ელჩები საქართველოში, მიხაილ მიატლიკოვი და ერმუხამეტ ერტისბაევი უცნობი ჯარისკაცის საფლავზე ყვავილების მიტანის ცერემონიის დროს
"უკვდავი პოლკის" მონაწილეები უცნობი ჯარისკაცის საფლავთან
საზეიმო ღონისძიებების დროს ვაკის პარკში პოლიციის ბევრი თანამშრომელი იყო. ისინი ვაკის პარკის მიმდებარე ტერიოტორიასაც აკონტროლებდნენ, თუმცა დღემ ყველანაირი შემთხვევის გარეშე ჩაიარა
"უკვდავი პოლკის" მონაწილეებს ხელში უჭირავთ საკუთარი წინაპრების ფოტოები, რომლებიც დიდ სამამულო ომში იბრძოდნენ
გამარჯვების აღსანიშნავად მისულთაგან ბევრს თან ახლდა ბავშვები
უცნობი ჯარისკაცის საფლავზე დიდ სამამულო ომში დაღუპულთა პატივსაცემად ყვავილები დააწყვეს ბავშვებმა და მოზარდებმაც
ვაკის პარკში მოგვიანებით ვეტერანებისათვის, მათი ოჯახის წევრებისა და ახლობლებისათვის კონცერტი გაიმართა
16/20
© Sputnik / Levan Avlabreli
თბილისის მკვიდრი ვეტერანები უცნობი ჯარისკაცის საფლავთან პატივს მიაგებენ დიდ სამამულო ომში დაღუპულ თანამებრძოლებს
28 მეტრის სიმაღლის გამარჯვების ქანდაკება ვაკის პარკში, რომელიც 1981 წელს დაიდგა
ათასობით ყვავილი უცნობი ჯარისკაცის საფლავზე, რომლებიც ღონისძიების მონაწილეებმა მიიტანეს ომში დაღუპულთა ხსოვნისადმი პატივის მისაგებად
პატარა გოგონას ხელში უჭირავს "უკვდავი პოლკის" სიმბოლიკიანი დროშა - აქციის აქტივისტებმა დაახლოებით 500 ათასი დროშა დაარიგეს გამარჯვების დღეს საზეიმო ღონისძიებების მსვლელობისას
უცნობი ჯარისკაცის საფლავთან გამარჯვების დღეს თბილისის მაცხოვრებლები და სტუმრები ანთებდნენ სანთლებს და მიჰქონდათ ყვავილები, რათა პატივი მიეგოთ დიდ სამამულო ომში დაღუპულთა ხსოვნისადმი
