რუსთაველის გამზირზე 1 მაისს ბაიკერების ნამდვილი შოუ გაიმართა – მოტოციკლისტთა ჯგუფი პირველი მაისის მსვლელობის სათავეში მოდიოდა და გამვლელების ყურადღებას იპყრობდა. იხილეთ "Sputnik-საქართველოს" ფოტოკადრები, თუ როგორ უჭერდნენ მხარს მშრომელთა უფლებებს მოტოციკლისტები და აქციის სხვა მონაწილეები.
ქართული პროფკავშირების წარმომადგენლებმა, არასამთავრობო ორგანიზაციების წევრებმა, სტუდენტებმა და საზოგადოებრივი მოძრაობის "აუდიტორია 115" აქტივისტებმა 1 მაისს თბილისის ცენტრში მსვლელობა გამართეს.
პირველი მაისის აქცია თბილისის ცენტრში თითქმის ორ საათს გაგრძელდა. რუსთაველის გამზირზე გამართულ მსვლელობაში მონაწილეობა ასობით ადამიანმა მიიღო. ისინი მშრომელების უფლებების დაცვას ითხოვდნენ.
აქციის დროს მონაწილეები გამზირის მხოლოდ ერთ ნახევარზე გადაადგილდებოდნენ, მეორე მხარე სატრანსპორტო მოძრაობისთვის თავისუფალი იყო. აქციამ მშვიდობიანად ჩაიარა.