ბრაზილიური კარნავალი – ყოველწლიური ფესტივალი ბრაზილიაში, რომელიც აღდგომამდე ორმოცი დღით ადრე ტარდება და დიდი მარხვის დაწყებას აღნიშნავს. იხილეთ ფოტოკადრები, თუ როგორ მიმდინარეობს კარნავალი სან-პაულუში – არა მხოლოდ ბრაზილიასა და სამხრეთ ამერიკაში, არამედ დედამიწის სამხრეთ ნახევარსფეროში ყველაზე მრავალრიცხოვან ქალაქში.
ბრაზილიაში მხიარული კარნავალების ჩატარების ტრადიცია ევროპელ კოლონიზატორებთან ერთად შემოვიდა. თვით სიტყვა „კარნავალი“ წარმოიშვა ლათინური Carne Vale-დან, რაც ქართულად "სხეულთან დამშვიდობებას" ნიშნავს.
ბრაზილიური კარნავალი სათავეს იღებს ძველბერძნული დღესასწაულიდან, რომელიც ღვინის ღმერთ დიონისეს ეძღვნებოდა. შემდეგ რომაელებმა ეს ჩვეულება ბაკქანალიად და სატურნალიად აქციეს, რომლის დროსაც მონები და ბატონები სამოსს ცვლიდნენ, ერთობოდნენ და ბევრს სვამდნენ. მოგვიანებით კათოლიკურმა ეკლესიამ დღესასწაული ფესტივალად გადააკეთა, რომელიც დიდ მარხვას უძღოდა წინ. ზეიმმა ახალი მნიშვნელობა შეიძინა — ეს იყო მუსიკით, საკვებით, ალკოჰოლითა და სექსით ტკბობის ბოლო დღე მარხვამდე, შეკავებისა და მორჩილების 40 დღემდე.
დღეს ბრაზილიური კარნავალი ქვეყნის ყველაზე დიდ დღესასწაულად მიიჩნევა და ევროპისა და ლათინური ამერიკის სხვა ქვეყნების კარნავალებისგან განსხვავდება. გარდა ამისა, ბრაზილიაში კარნავალის რეგიონული ვარიანტებიც არსებობს.
