ქართული საზოგადოების რამდენიმე ათეული წარმომადგენელი, მათ შორის – მსახიობები, მუსიკოსები და ჟურნალისტები მივიდნენ რუსეთის ინტერესთა სექციაში სამძიმრის გამოსახატად.
შეკრებილმა საზოგადოებამ შენობის შესასვლელთან ყვავილები მიიტანა და სანთლები დაანთო სოჭში Ту-154-ის ჩამოვარდნის შედეგად დაღუპულთა ხსნოვნის პატივსაცემად.
აქციაში მონაწილეობა მიიღეს საქართველოში რუსი თანამემამულეების ორგანიზაციის საკოორდინაციო საბჭოს ხელმძღვანელმა, გრიბოედოვის სახელობის რუსული თეატრის დირექტორმა და "რუსული კლუბის" პრეზიდენტმა ნიკოლოზ სვენტიცკიმ და "ქართულ-რუსული ახალგაზრდული კავშირის" ხელმძღვანელმა ირაკლი ყიფიანმა.
თვითმფრინავში 92 ადამიანი იმყოფებოდა — ეკიპაჟის 8 წევრი და 84 მგზავრი, მათ შორის იყვნენ ალექსანდროვის სიმღერისა და ცეკვის ანსამბლის 64 მსახიობი, ჟურნალისტთა ცხრაკაციანი ჯგუფი და საქველმოქმედო ფონდ "სამართლიანი დახმარების" ხელმძღვანელი ელიზავეტა გლინკა, რომელიც ცნობილია როგორც დოქტორი ლიზა. შავ ზღვაში სოჭის სანაპიროსთან Ту-154-ის ჩამოვარდნის ადგილზე სამძებრო-სამაშველო ოპერაცია ამჟამადაც გრძელდება.