თურქეთში რუსეთის ელჩი ანდრეი კარლოვი მოკლეს ანკარაში სამხატვრო გალერეაში გამართულ ფოტოგამოფენაზე "მოგზაურის თვალით დანახული რუსეთი". იხილეთ Sputnik-ის ფოტომასალაში კადრები, თუ როგორ დაიღუპა რუსი დიპლომატი და როგორ გადაასვენეს მისი ცხედარი სამშობლოში.
ანდრეი კარლოვზე შეიარაღებული თავდასხმა მოხდა ანკარაში, თანამედროვე ხელოვნების ცენტრში. თავდასხმის შემდეგ დიპლომატიური მისიის ხელმძღვანელი საავადმყოფოში გადაიყვანეს, სადაც 40 წუთის შემდეგ ექიმებმა მისი სიკვდილის შესახებ გაავრცელეს ინფორმაცია.
მოსკოვი მომხდარს ტერაქტის კვალიფიკაციას ანიჭებს.
თვითმხილველთა მტკიცებით, მკვლელი საგამოფენო შენობაში შევიდა საქმიანი კოსტიუმით და ჰალსტუხით, ამიტომ ის ელჩის დაცვის წევრად მიიჩნიეს. თავდასხმის დროს დაშავდა კიდევ სამი ადამიანი. მოგვიანებით ბოროტმოქმედი პოლიციამ მოკლა.
