https://sputnik-georgia.com/20210727/saqarTvelom-adgilobrivi-warmoebis-USB-kabelebis-eqsporti-daiwyo-252429730.html
საქართველომ ადგილობრივი წარმოების USB-კაბელების ექსპორტი დაიწყო
საქართველომ ადგილობრივი წარმოების USB-კაბელების ექსპორტი დაიწყო
Sputnik საქართველო
„ჯინვენტორის“ პროდუქციის წარმოების სრული ციკლი მოიცავს, მათ შორის, მეორადი პლასტმასის ბოთლების გადამუშავებას. 27.07.2021-ს, Sputnik საქართველო
2021-07-27T09:44+0400
2021-07-27T09:44+0400
2021-10-19T18:02+0400
ახალი ამბები
ეკონომიკა
საქართველო
https://cdnn1.img.sputnik-georgia.com/img/07e5/07/1a/252429629_0:88:1698:1043_1920x0_80_0_0_3e2b51a512b726c0ceca7717b48d5279.jpg
თბილისი, 27 ივლისი - Sputnik. ტექნოლოგიური სტარტაპ „ჯინვენტორის“ პროდუქცია ექსპორტზე გავა, იუწყება საქართველოს ეკონომიკის სამინისტროს პრესსამსახური.კომპანიამ პროგრამის „აწარმოე საქართველოში“ სესხის თანადაფინანსების კომპონენტით ისარგებლა, უცხოეთიდან თანამედროვე და მაღალტექნოლოგიური დანადგარები ჩამოიტანა და საქართველოში USB-კაბელების წარმოება დაიწყო.ადგილობრივი წარმოების პირველი პროდუქცია „ჯინვენტორმა“ ბაზარზე 2021 წლიდან გამოიტანა.პროდუქციის წარმოების სრული ციკლი მოიცავს, მათ შორის, მეორადი პლასტმასის ბოთლების გადამუშავებას. კომპანიამ უარი თქვა ამ მასალის იმპორტირებაზე და თანამშრომლობს რიგით მოქალაქეებთან, რომელთაგან იბარებს პლასტმასის ბოთლების სახურავებს მათი შემდგომი გადამუშავების მიზნით.უწყების ცნობით, სტარტაპი „ჯინვენტორი“ აწარმოებს ისეთ პროდუქციას, რომელიც აქამდე საქართველოში არ მზადდებოდა და ამით ადგილობრივ ბაზარზე კონკურენციაში უკვე შევიდა მსხვილ ჩინურ მწარმოებლებთან. კომპანია ასევე მუშაობს საექსპორტო ბაზრებზე.„აღსანიშნავია, რომ კომპანიამ, პანდემიის მიუხედავად, შეძლო პროდუქცია, Amazon-ის მეშვეობით, აშშ-ში გაეტანა, ასევე პირველ პარტიას უახლოეს პერიოდში გაგზავნის ნიგერიაში“, - ნათქვამია უწყების განცხადებაში.„აწარმოე საქართველოში“ – საქართველოს ხელისუფლების ერთ-ერთი წარმატებული პროექტია, რომელიც მიზნად ისახავს ქვეყანაში ადგილობრივი წარმოების განვითარებას. სააგენტო აერთიანებს ყველა სახელმწიფო პროგრამას, მიმართულს ბიზნეს-სექტორის ხელშეწყობისა და ქვეყნის ეკონომიკური განვითარებისკენ.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, ეკონომიკა, საქართველო
ახალი ამბები, ეკონომიკა, საქართველო
საქართველომ ადგილობრივი წარმოების USB-კაბელების ექსპორტი დაიწყო
09:44 27.07.2021 (განახლებულია: 18:02 19.10.2021) „ჯინვენტორის“ პროდუქციის წარმოების სრული ციკლი მოიცავს, მათ შორის, მეორადი პლასტმასის ბოთლების გადამუშავებას.
თბილისი, 27 ივლისი - Sputnik. ტექნოლოგიური სტარტაპ „ჯინვენტორის“ პროდუქცია ექსპორტზე გავა, იუწყება საქართველოს ეკონომიკის სამინისტროს
პრესსამსახური.
კომპანიამ პროგრამის „აწარმოე საქართველოში“ სესხის თანადაფინანსების კომპონენტით ისარგებლა, უცხოეთიდან თანამედროვე და მაღალტექნოლოგიური დანადგარები ჩამოიტანა და საქართველოში USB-კაბელების წარმოება დაიწყო.
ადგილობრივი წარმოების პირველი პროდუქცია „ჯინვენტორმა“ ბაზარზე 2021 წლიდან გამოიტანა.
პროდუქციის წარმოების სრული ციკლი მოიცავს, მათ შორის, მეორადი პლასტმასის ბოთლების გადამუშავებას. კომპანიამ უარი თქვა ამ მასალის იმპორტირებაზე და თანამშრომლობს რიგით მოქალაქეებთან, რომელთაგან იბარებს პლასტმასის ბოთლების სახურავებს მათი შემდგომი გადამუშავების მიზნით.
უწყების ცნობით, სტარტაპი „ჯინვენტორი“ აწარმოებს ისეთ პროდუქციას, რომელიც აქამდე საქართველოში არ მზადდებოდა და ამით ადგილობრივ ბაზარზე კონკურენციაში უკვე შევიდა მსხვილ ჩინურ მწარმოებლებთან. კომპანია ასევე მუშაობს საექსპორტო ბაზრებზე.
„აღსანიშნავია, რომ კომპანიამ, პანდემიის მიუხედავად, შეძლო პროდუქცია, Amazon-ის მეშვეობით, აშშ-ში გაეტანა, ასევე პირველ პარტიას უახლოეს პერიოდში გაგზავნის ნიგერიაში“, - ნათქვამია უწყების განცხადებაში.
„აწარმოე საქართველოში“ – საქართველოს ხელისუფლების ერთ-ერთი წარმატებული პროექტია, რომელიც მიზნად ისახავს ქვეყანაში ადგილობრივი წარმოების განვითარებას. სააგენტო აერთიანებს ყველა სახელმწიფო პროგრამას, მიმართულს ბიზნეს-სექტორის ხელშეწყობისა და ქვეყნის ეკონომიკური განვითარებისკენ.
