პრემიერმა ფინანსთა მინისტრს სახელმწიფო საწარმოების რეფორმირება დაავალა

© photo: Government of Georgia / FB მთავრობის სხდომა
მთავრობის სხდომა - Sputnik საქართველო
გამოწერა
აღნიშნული პროექტის განხორციელება გლობალური ეკონომიკური კრიზისის პირობებში განსაკუთრებით მნიშვნელოვანია, დასძინა გახარიამ.

თბილისი, 28 იანვარი – Sputnik. სახელმწიფო საწარმოების მართვის რეფორმირებისთვის სპეციალური სამუშაო ჯგუფი შეიქმნება, რომელსაც ფინანსთა მინისტრი ივანე მაჭავარიანი უხელმძღვანელებს, განაცხადა საქართველოს პრემიერ-მინისტრმა გიორგი გახარიამ.

სახელმწიფო საწარმოების რეფორმირების განხორციელება 2021-2024 წლების განმავლობაში იგეგმება.

„ჩვენ ამ გადაწყვეტილების განხორციელებას „საქართველოს სახელმწიფო ელექტროსისტემით“ ვიწყებთ. დღეს ვიმსჯელებთ, თუ როგორ უნდა იყოს დაკომპლექტებული ამ ორგანიზაციის სამეთვალყურეო საბჭო. ძალზე მნიშვნელოვანია, რომ შევინარჩუნოთ უმაღლესი სტანდარტები“, – განაცხადა გახარიამ. 
თბილისი - Sputnik საქართველო
ევროპის საინვესტიციო ბანკი მცირე და საშუალო ქართული საწარმოებისთვის 10 მლნ ევროს გამოყოფს

პრემიერის თქმით, სახელმწიფოს ექნება კონკრეტული გეგმა, რომლითაც სახელმწიფო საწარმოების მართვა კორპორატიული მართვის უმაღლეს სტანდარტებს მაქსიმალურად უნდა დაუახლოვდეს. 

სახელმწიფო საწარმოების რეფორმაზე მუშაობა საქართველოს ფინანსთა სამინისტრომ 2020 წლის მეორე კვარტლიდან დაიწყო.

2019 წლის მონაცემებით, სახელმწიფო საკუთრებაშია 352 საწარმო, საიდანაც 173 ადგილობრივი ხელისუფლების, ხოლო 179 ცენტრალური ხელისუფლების მფლობელობაშია. სახელმწიფოს ბალანსზე არსებული საწარმოებიდან ყველაზე მეტი – 134 საწარმო ეკონომიკის სამინისტროს მართვაშია, მეორე ადგილზე „საპარტნიორო ფონდია“ (28 საწარმო), 5 საწარმოს გარემოს დაცვის და სოფლის მეურნეობის სამინისტრო მართავს.

ყველა ახალი ამბავი
0